മാവുങ്കാല്‍: പൊട്ടിപ്പൊളിഞ്ഞ് ഗതാഗതയോഗ്യമല്ലാത്ത കൊടവലം വട്ടക്കണ്ടം റോഡ് കൊടവലം സംഗമം ആര്‍ട്‌സ ആന്‍ഡ് സ്‌പോര്‍ട്‌സ് ക്ലബ് പ്രവര്‍ത്തകരും നാട്ടുകാരും ചേര്‍ന്ന് അറ്റകുറ്റ പണി നടത്തി ഗതാഗത യോഗ്യമാക്കി.
വര്‍ഷങ്ങളോളമായി ഈ റോഡ് വഴിയാത്രക്കാര്‍ക്കും വാഹനങ്ങള്‍ക്കും ശാപമായി തീരുകയാണ്. തീര്‍ത്തും ഉപയോഗശ്യൂന്യമായി കിടക്കുന്ന റോഡ് അധികൃതര്‍ തിരിഞ്ഞ് നോക്കാത്തതിനെ തുടര്‍ന്ന് ക്ലബ് പ്രവര്‍ത്തകരും നാട്ടുകാരും കൈകോര്‍ത്ത് റോഡ് ഗതാഗതയോഗ്യമാക്കുകയായിരുന്നു. കല്ലും മണ്ണും തലച്ചുമടായി കൊണ്ടുവന്ന് വന്‍ കുഴികള്‍ നികത്തി റോഡ് നന്നാക്കുകയായിരുന്നു.
ക്ലബ് പ്രവര്‍ത്തകരുടേ യും നാട്ടുകാരുടെയും സാമൂഹിക പ്രവര്‍ത്തനം നാടിന് തന്നെ മാതൃകയായി. മൊട്ടമ്മല്‍ കൃഷ്ണന്‍ ,സി നാരായണന്‍, കരിച്ചേരി ചന്ദ്രന്‍, പി ടി കുമാരന്‍ തുടങ്ങിയവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: