നെയ്യാറ്റിന്കര: യുവമോര്ച്ച ബിവറേജസ് ഔട്ട് ലെറ്റിലേയ്ക്ക് മാര്ച്ച് നടത്തി. നെയ്യാറ്റിന്കര എംഎല്എയുടെ കോലം കത്തിച്ചു. നെയ്യാറ്റിന്കര ആശുപത്രി ജംഗ്ഷനില് പുതിയതായി സ്ഥാപിച്ച ബിവറേജസ് ഔട്ട് ലെറ്റിലേയ്ക്ക് യുവമോര്ച്ച പ്രതിഷേധ മാര്ച്ച് നടത്തി. ബിജെപി നെയ്യാറ്റിന്കര നിയോജക മണ്ഡലം പ്രസിഡന്റ് ജി. സുരേഷ് തമ്പി മാര്ച്ച് ഉദ്ഘാടനം ചെയ്തു. നെയ്യാറ്റിന്കര ജനറല് ആശുപത്രിക്ക് സമീപവും, സ്കൂളുകളുടെ പരിസരവും പാവപ്പെട്ട ജനങ്ങളുടെയും, വിദ്യാര്ത്ഥികളെയും മദ്യത്തില് മുക്കുവാനുള്ള നിലപാടാണ് നെയ്യാറ്റിന്കരയിലെ രണ്ടാമത്തെ ബിവറേജസ് ഔട്ട് ലെറ്റെന്നും സുരേഷ് തമ്പി പറഞ്ഞു.
യുവമോര്ച്ച മണ്ഡലം പ്രസിഡന്റ് ആര്. ശ്രീലാല് അദ്ധ്യക്ഷത വഹിച്ചു. യുവമോര്ച്ച സംസ്ഥാന സമിതിയംഗം അഡ്വ. രഞ്ജിത്ത്ചന്ദ്രന്, ജില്ല ജനറല് സെക്രട്ടറി സി.എസ്. ചന്ദ്രകിരണ്, ബിജെപി മണ്ഡലം വൈസ് പ്രസിഡന്റ് മഞ്ചത്തല സുരേഷ്, യുവമോര്ച്ച മണ്ഡലം ജനറല് സെക്രട്ടറി രാമേശ്വരം ഹരി നഗരസഭാ കൗണ്സിലര്മാരായ ഹരികുമാര്, ഷിബു രാജ് കൃഷ്ണ, അഡ്വ. സ്വപ്നജിത്ത് എന്നിവര് സംസാരിച്ചു. ബിജെപി, യുവമോര്ച്ച നേതാക്കളായ ശിവകുമാര്, ആലംപൊറ്റ ശ്രീകുമാര്, സ്വപ്നജിത്ത്, തിരുപുറം ബിജു, ലാലു, ഹരിലാല്, അനിഷ്, ഹരികൃഷ്ണന്, ജിഷ്ണു എന്നിവര് നേതൃത്വം നല്കി. പ്രവര്ത്തകര് ബിവറേജ് ഔട്ട് ലെറ്റിനു മുന്നില് നെയ്യാറ്റിന്കര എംഎല്എയുടെ കോലം കത്തിച്ചു.
