പുനലൂര്: ട്രാഫിക്ക് സംവിധാനങ്ങളുടെ അഭാവത്തില് പുനലൂരില് ഗതാഗതക്കുരുക്ക് ഏറുന്നു. കെഎസ്ആര്ടിസ് ബസ് സ്റ്റാന്റിന് മുന്നിലാണ് ഏറെ പ്രശ്നം. ഇവിടെനിന്നും ഒന്നില് കൂടുതല് ബസുകള് പുറപ്പെടുമ്പോള് ഇരുഭാഗത്തുനിന്നുമുള്ള വാഹനങ്ങള്ക്ക് തടസമുണ്ടാകുന്നതാണ് ഗതാഗതക്കുരുക്ക് രൂക്ഷമാക്കുന്നത്. ഇതുമൂലം മണിക്കൂറുകളോളമാണ് വാഹനഗതാഗതം തടസപ്പെടുന്നത്.
പാര്ക്കിങ് ഏരിയ പ്രത്യേകം തിരിക്കാത്തതിനാല് റോഡിന്റെ ഇരുവശങ്ങളിലും സ്വകാര്യവാഹനങ്ങളും ടാക്സികളും ഓട്ടോറിക്ഷകളും പാര്ക്ക് ചെയ്യുന്നതും പ്രശ്നമാണ്. ടാക്സി, ഓട്ടോറിക്ഷകള്ക്ക് നഗരത്തില് പ്രത്യേകപാര്ക്കിങ് ഗ്രൗണ്ടില്ല. നഗരത്തിലെ ആഡിറ്റോറിയങ്ങളില് വാഹനപാര്ക്കിങിന് സൗകര്യമില്ലാത്തതും ഗതാഗതതടാത്തിന് കാരണമാകുന്നുണ്ട്.
കടകളുടെ ബോര്ഡുകളും മറ്റും റോഡിലേക്ക് ഇറക്കിവയ്ക്കുന്നതും വഴിവാണിഭക്കാരും പഴക്കടക്കാരും റോഡ് കയ്യേറുന്നതും കൂടിയാകുമ്പോള് കാല്നട പോലും ദുഷ്കരമാകുകയാണ്. നാളിതുവരെയായി ട്രാഫിക് സംവിധാനങ്ങള് കുറ്റമറ്റതാക്കാന് നഗരസഭാ അധികൃതര്ക്കും പോലീസിനും കഴിയാത്തതാണ് ഇതിന് കാരണം. പള്ളിക്കൂടങ്ങള് കൂടി തുറന്നതോടെ തിരക്ക് വര്ധിച്ചിരിക്കുകയാണ്. പരിഹാരം തേടുന്നവരുടെ മുന്നില് അധികൃതര് കൈമലര്ത്തുകയാണ്. ഇതോടെ ഏറെ ബുദ്ധിമുട്ടിലാവുകന്നത് അവശ്യസര്വീസുകാരും ഇതരസ്ഥലങ്ങളില് നിന്ന് പുനലൂര് നഗരത്തില് എത്തുന്നവരുമാണ്.
ട്രാഫിക്ക് നിയന്ത്രിക്കുന്നതിന് മതിയായ പോലീസുകാരും പുനലൂരിലില്ല. താല്ക്കാലിക ട്രാഫിക്ക് വാര്ഡന്മാരും ജോലി മതിയാക്കിയിട്ടുണ്ട്.
