ആലപ്പുഴ: കഴിഞ്ഞ ആറു മാസത്തിനിടെ ജില്ലയില്‍ 1,294 അബ്കാരി കേസ്സുകളും, 178 എന്‍ഡിപിഎസ് കേസ്സുകളും രജിസ്റ്റര്‍ ചെയ്തതായി ഡെപ്യൂട്ടി എക്‌സൈസ് കമ്മീഷണര്‍ അറിയിച്ചു. 1,532 പേര്‍ക്കെതിരെ കേസെടുത്തു. 1,473 പേരെ അറസ്റ്റ് ചെയ്തു.
419 ലിറ്റര്‍ സ്പിരിറ്റ്, 439 ലിറ്റര്‍ ചാരായം, 1,283 ലിറ്റര്‍ വിദേശമദ്യം, 9,077 ലിറ്റര്‍ കോട, 22.69 കിലോ കഞ്ചാവ്, 63 ലിറ്റര്‍ അരിഷ്ടം, 377 ലിറ്റര്‍ ബിയര്‍, 287 ലിറ്റര്‍ കള്ള്, 5,137 പാക്കറ്റ് ഹാന്‍സ്, 309 പായ്‌ക്കറ്റ് ബീഡി, 397 പായ്‌ക്കറ്റ് സിഗററ്റ്, 108 കിലോ പുകയില ഉല്‍പ്പന്നങ്ങള്‍ എന്നിവ പിടിച്ചെടുത്തു. വ്യാജ മദ്യം കടത്തുന്നതിന് ഉപയോഗിച്ച 20 ബൈക്ക്, ഒരു കാര്‍, 7 സ്‌കൂട്ടര്‍, ഒരു ബുളളറ്റ്, മൂന്ന് ആട്ടോ, ഒരു ജീപ്പ് തുടങ്ങി 34 വാഹനങ്ങളും കണ്ടുകെട്ടി.
കളളുഷാപ്പുകളില്‍ പരിശോധനകള്‍ നടത്തി 26 കേസുകള്‍ രജിസ്റ്റര്‍ ചെയ്തു. കായല്‍ ടൂറിസവുമായി ബന്ധപ്പെട്ട് ആര്‍ ബ്‌ളോക്ക്, സി ബ്‌ളോക്ക്, മാരന്‍ കായല്‍, പാതിരമണല്‍ എന്നീ പ്രദേശങ്ങള്‍ കേന്ദ്രീകരിച്ച് പരിശോധന നടത്തി 14 കേസുകളാണ് രജിസ്റ്റര്‍ ചെയ്തത്. ഈ കാലയളവില്‍ 56 കമ്പയിന്‍ഡ് റെയ്ഡുകളും, പോലീസുുമായി ചേര്‍ന്ന് 46 ജോയിന്റ് റെയ്ഡുകളും നടത്തി.
പ്രതികരിക്കാൻ ഇവിടെ എഴുതുക: