ഐവര്‍ ഭഗവതി ക്ഷേത്രം കളിയാട്ട മഹോത്സവം 22 മുതല്‍

കാസര്‍കോട്: പുലിക്കുന്ന് ശ്രീ ഐവര്‍ ഭഗവതി ക്ഷേത്ര കളിയാട്ട മഹോത്സവം 22 മുതല്‍ 27 വരെ നടക്കും. ഉത്സവത്തിനു മുന്നോടിയായുള്ള കുലകൊത്തല്‍ ചടങ്ങ് 17നു രാവിലെ നടക്കും. 22നു രാവിലെ 8ന് ഗണപതി ഹോമം തുടര്‍ന്ന് രക്തേശ്വരി, ബ്രഹ്മരക്ഷസ്സ്, ഗുളികന്‍, എന്നിവക്കു തമ്പിലം ശുദ്ധികലശം, പ്രസാദവിതരണം, വൈകിട്ട് ആനപ്പന്തല്‍ അലങ്കരിക്കല്‍ തുടര്‍ന്ന് ആനപ്പന്തല്‍ കയറ്റല്‍, ഭണ്ഡാരം എഴുന്നള്ളിക്കല്‍, കലശാട്ട് കൊടിയിലവെക്കല്‍, പ്രതിഷ്ഠാ പൂജ, മറുപുത്തരി ഉത്സവം, പ്രസാദവിതരണം. 23 മുതല്‍ വിവിധ തെയ്യക്കോലങ്ങള്‍ കെട്ടിയാടും. 25ന്  ആയിരത്തിരി മഹോത്സവം,26 ന്  തിരുമുല്‍ക്കാഴ്ചാ സമര്‍പ്പണം, 27നു ഭജന, പുഷ്പാര്‍ച്ചന, പന്തല്‍ മുഹൂര്‍ത്തം, ബിബംദര്‍ശനം എഴുന്നള്ളത്ത്, കൂട്ട അടയാളം, പൂമുടി അവരോഹണം, തുടര്‍ന്ന് ഭണ്ഡാരം തിരിച്ചെഴുന്നള്ളിക്കലോടെ സമാപനം.