കോഴിക്കോട്: മിഠായിത്തെരുവിലെ മോഡേണ് ഹാന്റ്ലൂം ആന്റ് ടെക്സ്റ്റയില്സിലുണ്ടായ തീ അണയ്ക്കാന് എത്തിയത് മലബാറിന്റെ വിവിധ ഭാഗങ്ങളില് നിന്നുള്ളവര്. കോഴിക്കോടിന് പുറമെ മലപ്പുറം, കണ്ണൂര്, വയനാട് എന്നീ ജില്ലകളില് നിന്നുള്ളവരും മണ്ണാര്ക്കാട് നിന്നുള്ള ഫയര്ഫോഴ്സ് സംഘവും രക്ഷാപ്രവര്ത്തനത്തിനെത്തി.
കരിപ്പൂരില് നിന്നുള്ള അത്യാധുനിക അഗ്നിശമന ഉപരണങ്ങളും സ്ഥലത്തെത്തി രണ്ട് റോസന് ബാര് പാന്തര്, ഒരു അഗ്നിവിജയ് യൂണിറ്റ് എന്നിവയാണ് എത്തിയത്. ഇതില് ഒരു റോസര്ബാര് പാന്തര് മാത്രമാണ് ഉപയോഗപ്പെടൂത്തിയത്.
എച്ച്ഒഡി സുബ്രഹ്മണ്യന്, സീനിയര് സൂപ്രണ്ട് വി.കെ. സുനില് എന്നിവരുടെ നേതൃത്വത്തിലുള്ള പതിനഞ്ചംഗ സംഘമാണ് എയര്പോര്ട്ടില് നിന്നെത്തിയത്. യുഎല്സിസിയുടെ പ്രത്യേക പരിശീലനം ലഭിച്ച വളണ്ടിയര്മാര്, മലപ്പുറം ജില്ലയുടെ വിവിധ ഭാഗങ്ങളില് നിന്നെത്തിയ ട്രോമാകെയര് വളണ്ടിയര്മാര്, പ്രത്യേക പരിശീലനം ലഭിച്ച ദ്രുതകര്മ്മസേനാംഗങ്ങള് ഒന്നുചേര്ന്നപ്പോള് തീ കൂടുതല് ഭാഗങ്ങളിലേക്ക് വ്യാപിക്കുന്നത് തടയാനായി.
