ന്യൂദല്‍ഹി: ടെലികോം രംഗത്ത് മത്സരം കടുക്കുന്നു. ജിയോ വെല്‍ക്കം ഓഫറുകളോട് കിടപിടിക്കുവാനൊരുങ്ങുകയാണ് രാജ്യത്തെ ഏറ്റവും വലിയ ടെലികോം ഓപ്പറേറ്ററായ എയര്‍ടെല്‍.
എയര്‍ടെല്‍ പുറത്തിറക്കിയ ഏറ്റവും പുതിയ 345 രൂപയുടെ ഓഫറിലൂടെ 28 ദിവസത്തെ കാലാവധിയില്‍ പ്രതിദിനം ഒരു ജിബി 4ജി ഡാറ്റയും സൗജന്യ എസ്ടിഡി, ലോക്കല്‍ വോയ്‌സ് കോളുകളുമാണ് ഉപഭോക്താക്കള്‍ക്ക് ലഭിയ്‌ക്കുക. ഒരു ജിബി ഡാറ്റാ പാക്കില്‍ 500 എംബി പകലും ശേഷിക്കുന്ന 500 എംബി രാത്രിയുമാണ് ലഭിക്കുക.
എയര്‍ടെല്‍ നല്‍കിവരുന്ന 145 രൂപയുടെ ഓഫറില്‍ മാറ്റം വരുത്തി അണ്‍ലിമിറ്റഡ് എയര്‍ ടു എയര്‍ടെല്‍ ലോക്കല്‍, നാഷണല്‍ കോളുകളും 2ജിബി ഡാറ്റയും 28 ദിവസത്തേക്ക് ലഭിക്കും. വോഡഫോണിനും എയര്‍ടെലിനും പിറകെ ഐഡിയയും പുതിയ ഓഫര്‍ പുറത്തിറക്കിയിട്ടുണ്ട്.
പ്രതികരിക്കാൻ ഇവിടെ എഴുതുക