കൊച്ചി: രണ്ടു കോടി ഐഡിയ ഉപഭോക്താക്കള്‍ക്കായി ഐഡിയ സെല്ലുലര്‍ റോമിംഗ് ബൊണാന്‍സ അവതരിപ്പിച്ചു.ഇന്ത്യയ്‌ക്കകത്ത്എവിടെയും ഉപഭോക്താക്കള്‍ക്ക് ഏപ്രില്‍ ഒന്നു മുതല്‍ സൗജന്യ ഇന്‍കമിംഗ് കോളുകളാണ് ഓഫര്‍.
അന്താരാഷ്‌ട്ര റോമിംഗ് വാല്യു പായ്‌ക്കുകളും കമ്പനി പ്രഖ്യാപിച്ചു. വിദേശ രാജ്യങ്ങളിലെ ജനപ്രിയ കേന്ദ്രങ്ങള്‍ സന്ദര്‍ശിക്കുന്നവര്‍ക്കായി അണ്‍ലിമിറ്റഡ് ഇന്‍കമിംഗ് കോളുകള്‍, ഔട്ട്‌ഗോയിംഗ് വോയ്‌സ് കോളുകള്‍, എസ്എംഎസ്, ഡേറ്റ എന്നിവയാണ് ഓഫറുകള്‍.
രാജ്യത്തെ നാലു ലക്ഷത്തോളം നഗരങ്ങളിലും ഗ്രാമങ്ങളിലും ഐഡിയയുടെ 200 ദശലക്ഷം ഉപഭോക്താക്കള്‍ക്ക് 2ജി, 3ജി, 4ജി നെറ്റ്‌വര്‍ക്കുകളില്‍ സൗജന്യ ഇന്‍കമിംഗ് കോളുകള്‍ ഏപ്രില്‍ 1 മുതല്‍ ലഭിക്കും.മൊബൈല്‍ ഡേറ്റ താരിഫും ഹോം സര്‍ക്കിളില്‍ ലഭിക്കുന്ന ആനുകൂല്യങ്ങളും ഇനി മുതല്‍ യാതൊരു അധിക ചാര്‍ജും ഇല്ലാതെ ഇന്ത്യയിലെവിടെയും ലഭിക്കും.
പ്രതികരിക്കാൻ ഇവിടെ എഴുതുക: