കേരളശേരി: മണ്മറഞ്ഞ സിനിമാനടന് ഒടുവില് ഉണ്ണികൃഷ്ണന്റെ സ്മാരകമന്ദിര തറക്കല്ലിടല് ഇന്ന് രാവിലെ പത്തിന് മന്ത്രി എ.കെ.ബാലന് നിര്വഹിക്കും. ചടങ്ങില് കെ.വി.വിജയദാസ് എംഎല്എ അധ്യക്ഷത വഹിക്കും. സര്ക്കാര് അനുവദിച്ച 50 ലക്ഷം രൂപ ചെലവഴിച്ചാണ് മന്ദിരം നിര്മിക്കുന്നത്.
കേരള സംഗീത നാടക അക്കാദമി ചെയര്പേഴ്സണ് കെപിഎസി ലളിത മുഖ്യാതിഥിയാകും. സര്ഗം പ്രസിഡന്റ് പി.എ.ഗോകുല്ദാസ് ഉള്പ്പെടെ സിനിമ, സാംസ്കാരിക രംഗത്തെ നിരവധിപേര് പങ്കെടുക്കും.
സംഗീത നാടക അക്കാദമി അവാര്ഡ് ജേതാവും പൊറാട്ടു നാടക കലാകാരനുമായ മണ്ണൂര് ചന്ദ്രന്, തുളസി, സംഗീത കുളത്തൂര്, കൂടുതല് തവണ രക്തദാനം നല്കിയ സന്നദ്ധ പ്രവര്ത്തകന് രാമന്കുട്ടി, എസ്എസ്എല്സി, പ്ലസ് ടു പരീക്ഷകളില് ഉന്നതവിജയം നേടിയ വിദ്യാര്ഥികള് തുടങ്ങിയവരെ ചടങ്ങില് ആദരിക്കും.
കേരളശേരിയിലെ അദ്ദേഹത്തിന്റെ വസതിയായ നീലാഞ്ജനത്തിനു എതിര്വശത്ത് ഫൗണ്ടേഷന് വാങ്ങിയ സ്ഥലത്താണ് സ്മാരകമന്ദിരം നിര്മിക്കുന്നത്. ഒടുവില് ഫൗണ്ടേഷന്റെ നേതൃത്വത്തിലാണ് പരിപാടികള്.
