കോഴഞ്ചേരി: കര്‍ഷകര്‍ നേരിട്ട് കൃഷിയിറക്കിയ ആറന്മുള കറ്റാറ്റ്, ചക്കോള പാടശേഖരത്ത് മേടക്കൊയ്ത്തുത്സവം 27ന് ആരംഭിക്കും. പന്തളം ബ്ലോക്ക് പഞ്ചായത്ത് പ്രസിഡന്റ് പി.കെ. തങ്കമ്മ ഉദ്ഘാടനം ചെയ്യും. 20 വര്‍ഷമായി തരിശായികിടക്കുന്ന 20 ഏക്കറോളം സ്ഥലത്താണ് കര്‍ഷക സംഘവും സമൃദ്ധി കര്‍ഷക സൊസൈറ്റിയും പാടശേഖര ഉടമകളുമായി ചേര്‍ന്ന് കൃഷിയിറക്കിയിരുന്നത്. മുന്തിയ ഇനം വിത്തായ ചുവന്ന ത്രിവേണിയാണിവിടെ കൃഷി ചെയ്തത്.
കൃഷി ഓഫീസര്‍ പി.ആര്‍. രതീഷ്, കര്‍ഷക സൊസൈറ്റി പ്രസിഡന്റ് പി.എം. മാത്യു ,സെക്രട്ടറി രാജന്‍ കുട്ടി, കണ്‍വീനര്‍ സുനില്‍ ജി. നെടുമ്പുറത്ത് തുടങ്ങിയവരാണ് കൃഷിക്ക് നേതൃത്വം നല്‍കിയത്. അടുത്ത തവണ നൂറേക്കറോളം കൃഷിയിടങ്ങളില്‍ കൃഷി വ്യാപിപ്പിക്കാനാണ് ഇവരുടെ ലക്ഷ്യം.
പ്രതികരിക്കാൻ ഇവിടെ എഴുതുക: