ചെങ്ങന്നൂര്: അന്യം നിന്നു പോകുന്ന ഭാരതത്തിന്റെ തനതു വാസ്തു ശാസ്ത്രത്തെ തകര്ക്കാനുള്ള നീക്കം പ്രതിഷേധാര്ഹമാണെന്ന് അഖില കേരള വിശ്വകര്മ്മ മഹാ സഭ സംസ്ഥാന പ്രസിഡന്റ് അഡ്വ.പി.ആര് ദേവദാസ് പറഞ്ഞു.
വാസ്തുശാസ്ത്രത്തില് പ്രാവീണ്യം നേടിയ കാണിപ്പയ്യൂര് കൃഷ്ണന് നമ്പൂതിരിപ്പാടിനെ ഗുരുകുലത്തില് നിന്ന് ഒഴിവാക്കിയത് ഈ നീക്കമാണ് വെളിവാക്കുന്നത്. ശാസ്ത്രത്തിലും പ്രയോഗത്തിലും മികവു തെളിയിച്ച അനവധി സ്ഥപതികള് സംസ്ഥാനമൊട്ടാകെ നിലവിലുള്ളപ്പോഴാണ് ആറന്മുള വാസ്തു വിദ്യാ ഗുരുകുലത്തില് സിപിഎം ഏരിയാ സെക്രട്ടറിമാരേയും ലോക്കല് സെക്രട്ടറിമാരേയും ഉള്ക്കൊള്ളിച്ച് ബോര്ഡ് രൂപീകരിച്ചിരിക്കുന്നത്.
കാണിപ്പയ്യൂരിനോടൊപ്പം പരമ്പരാഗത സ്ഥപതികളായ വിശ്വകര്മ്മജരെ കൂടി ഉള്പ്പെടുത്തി വാസ്തു വിദ്യാ ഗുരുകുലത്തിന്റെ എക്സിക്യൂട്ടീവ് കമ്മറ്റി പുന:സംഘടിപ്പിക്കണം. അദ്ദേഹം പറഞ്ഞു. സംസ്ഥാന വൈസ് പ്രസിഡന്റ് വി.രാജഗോപാല്, സംസ്ഥാന സെക്രട്ടറി ചിത്രാസ് സോമന് എന്നിവര് പ്രബന്ധങ്ങള് അവതരിപ്പിച്ചു.
