പാലക്കാട്: മുണ്ടൂര്‍ കൃഷ്ണന്‍കുട്ടി പുരസ്‌കാരം കഥാകൃത്ത് അശോകന്‍ ചരുവിലിന്. 11,111 രൂപയും ഷഡാനനന്‍ ആനിക്കത്ത് രൂപകല്പനചെയ്ത ശില്പവും അടങ്ങുന്നതാണ് പുരസ്‌കാരം.അശോകന്‍ ചരുവിലിന്റെ തിരഞ്ഞെടുത്ത കഥകള്‍ക്കാണ് പുരസ്‌കാരം.
ജൂണ്‍ നാലിന് മുണ്ടൂര്‍ കെഎവി ഓഡിറ്റോറിയത്തില്‍ കവി മധുസൂദനന്‍ നായര്‍ അവാര്‍ഡ് സമ്മാനിക്കും. ജൂണ്‍ നാല്, അഞ്ച് തീയതികളില്‍ മുണ്ടൂര്‍ കൃഷ്ണന്‍കുട്ടി അനുസ്മരണസമ്മേളനവും നടക്കുമെന്ന് മുണ്ടൂര്‍ കൃഷ്ണന്‍കുട്ടി സ്മാരകട്രസ്റ്റ് ചെയര്‍മാന്‍ കെ. ശെല്‍വരാജ്, മാനേജിങ് ട്രസ്റ്റി പി. ചന്ദ്രശേഖരന്‍, ട്രസ്റ്റി വി.പി. ശശികുമാര്‍ എന്നിവര്‍ അറിയിച്ചു
പ്രതികരിക്കാൻ ഇവിടെ എഴുതുക: