വിക്രം നായകനായും അമലപോളും അനുഷ്കയും നായികമാരായും അഭിനയിക്കുന്ന ദൈവത്തിരുമകള് തമിഴ്ചിത്രം കേരളത്തില് പ്രദര്ശനത്തിനെത്തി. മദിരാശിപ്പട്ടണത്തിന്റെ സംവിധായകന് വിജയ് ആണ് സംവിധായകന്. സൂപ്പര്ഹിറ്റ് ചിത്രമായ മൈനക്കുശേഷം അമല പോളിന്റെ അടുത്ത സിനിമയാണ് ദൈവത്തിരുമകള്. ബുദ്ധിവളര്ച്ചയെത്താത്തവരുടെ ജീവിതാനുഭവങ്ങളാണ് സിനിമയുടെ മുഖ്യപ്രമേയം.
ബുദ്ധിവളര്ച്ചയില്ലാത്ത വിക്രമിന് ഒരു സാമൂഹ്യപ്രവര്ത്തകയില് ഒരു കുഞ്ഞ് ജനിക്കുന്നു. പ്രസവത്തോടെ മാതാവ് മരണപ്പെടുന്നതിനാല് അയല്വാസികളുടെ സഹായത്തോടെയാണ് കുഞ്ഞ് വളരുന്നത്. അഞ്ച് വയസുകാരിയായ മകളും അഞ്ചുവയസിന്റെ മാത്രം ബുദ്ധിവളര്ച്ചയുള്ള അച്ഛനുമിടയിലെ വികാരതീവ്രമായ സ്നേഹബന്ധവും ജീവിതാനുഭവങ്ങളുമാണ് കഥയിലൂടെ ചുരുളഴിയുന്നത്.
വിക്രമിന്റെ ഒട്ടേറെ അഭിനയമുഹൂര്ത്തങ്ങള് നിറഞ്ഞ ഈ ചിത്രം ബുദ്ധിവൈകല്യമുള്ളവരെ അകറ്റിനിര്ത്തുന്ന പൊതുസമൂഹത്തിന്റെ സ്നേഹശൂന്യതയ്ക്കുനേരെ വിരല്ചൂണ്ടുകയാണ്. ജി.വി.പ്രകാശിന്റേതാണ് ഈണം. തമിഴ്നാട്ടിലെ സൂപ്പര്ഹിറ്റായി മാറിയ പടം കേരളത്തിലും വിജയിക്കുമെന്നാണ് അണിയറ ശില്പ്പികളുടെ പ്രതീക്ഷ.
പ്രതികരിക്കാൻ ഇവിടെ എഴുതുക: