നിറം വര്‍ധിപ്പിക്കാന്‍ ഏറ്റവും എളുപ്പമുള്ള മാര്‍ഗം ഏതാണെന്ന് ചോദിച്ചാല്‍ ഫേസ് ബ്ലീച്ച് എന്നാവും ഉത്തരം. ബ്യൂട്ടിപാര്‍ലറുകളില്‍ പോകുന്നവര്‍ ഇതാവും തിരഞ്ഞെടുക്കുക. എന്നാല്‍ രാസവസ്തുക്കള്‍ അടങ്ങിയവ ചര്‍മത്തിന് കൂടുതല്‍ ദോഷമുണ്ടാക്കും. ദോഷം വരാത്ത ഫേസ് ബ്ലീച്ച് വീട്ടില്‍ തന്നെ തയ്യാറാക്കാം. സിട്രിക് ആസിഡ് ധാരാളമുള്ള ഏത് പഴവര്‍ഗവും ബ്ലീച്ച് ചെയ്യാന്‍ ഉപയോഗിക്കാം.
രണ്ട് ചെറുനാരങ്ങയുടെ നീരും, വെള്ളരിക്ക വട്ടത്തില് മുറിച്ചതും, നാല് സ്പൂണ് കടലമാവും, ഏതെങ്കിലും സിട്രസ് പഴത്തിന്റെ ജ്യൂസും ചേര്‍ത്ത് ബ്ലീച്ച് ഉണ്ടാക്കാം. ഓറഞ്ച് തൊലി ഉണക്കി പൊടിച്ച് പാലില്‍ ചേര്‍ത്ത് പേസ്റ്റാക്കി പുരട്ടാം. തക്കാളി പേസ്റ്റും ചെറുനാരങ്ങ ജ്യൂസും ചേര്‍ത്ത് പേസ്റ്റാക്കി പുരട്ടുന്നതും നല്ലതാണ്. നാരങ്ങ നീരില്‍ അല്‍പം പാല്‍പ്പാട ചേര്‍ത്താല്‍ മികച്ച ബ്ലീച്ചിങ് ക്രീമായി. കറുത്ത പാടുകള്‍ മാറ്റി നിറം വര്‍ദ്ധിപ്പിക്കാന്‍ ഈ രീതി ഉത്തമം.
മഞ്ഞള്‍പ്പൊടിയും ചെറുനാരങ്ങാനീരും റോസ് വാട്ടറും യോജിപ്പിച്ച് മുഖത്ത് പുരട്ടാം. ഉണങ്ങിയാല്‍ ചെറുചൂടുവെള്ളത്തില്‍ കഴുകാം. വെള്ളരിക്കയും ചെറുനാരങ്ങയും ധാന്യമാവും ചേര്‍ത്ത് പുരട്ടാം. ഫേസ്ബ്ലീച്ച് പഞ്ചസാരയില്‍ ഒലിവ് ഓയില്‍ ചേര്‍ത്താല്‍ മികച്ച ഫേസ് ബ്ലീച്ചാകും. തക്കാളിയും, തൈരും, ഓട്‌സും ചേര്‍ത്ത് പേസ്റ്റാക്കിയെടുക്കുക. 20 മിനിട്ട് മുഖത്ത് വയ്‌ക്കണം. പാലും, തേനും, ചെറുനാരങ്ങനീരും ചേര്‍ത്ത് ഫേസ് ബ്ലീച്ച് ഉണ്ടാക്കാം.
ഉരുളക്കിഴങ്ങ് പേസ്റ്റ് മികച്ച ബ്ലീച്ചാണ്. മുഖം വൃത്തിയായിക്കിട്ടാന്‍ ഈ പേസ്റ്റ് മുഖത്തുപുരട്ടി 20 മിനിട്ടിന് ശേഷം കഴുകി കളയുക. മുട്ടയുടെ വെള്ളയില്‍ ഒരു സ്പൂണ് പഞ്ചസാര, അര ടീസ്പൂണ്‍ ചോളപ്പൊടി എന്നിവ ചേര്‍ത്ത് പേസ്റ്റാക്കുക. മുഖത്തെ രോമങ്ങള്‍ ഇല്ലാതാക്കി മുഖം ക്ലീനാക്കും. ആഴ്ചയില്‍ മൂന്നു തവണയെങ്കിലും ചെയ്യണം. വെള്ളക്കടല പൊടിയും അല്‍പം പാലും അരടീസ്പൂണ്‍ മില്‍ക് ക്രീമും ചേര്‍ത്ത് ഫേസ് ബ്ലീച്ച് തയ്യാറാക്കാം.
പ്രതികരിക്കാൻ ഇവിടെ എഴുതുക: