പെരിന്തല്മണ്ണ: നൂറോളം മോഷണ കേസുകളില് പ്രതിയായ കുപ്രസിദ്ധ മോഷ്ടാവ് ബിജു എന്ന ആസിഡ് ബിജു(41) പിടിയില്. കൊളത്തൂര് പോലീസാണ് അറസ്റ്റ് ചെയ്തത്.
കൊളത്തൂര് കുറുപ്പത്താല് കള്ളുഷാപ്പിന് സമീപത്ത് ഇയാള് ഉണ്ടെന്ന് നാട്ടുകാരാണ് പോലീസിനെ അറിയിച്ചത്. കോതമംഗലം നെല്ലിമറ്റം സ്വദേശിയായ ഇയാള് കഴിഞ്ഞ രണ്ടുവര്ഷത്തിനിടെ മലപ്പുറം, പാലക്കാട്, എറണാകുളം, തൃശ്ശൂര് ജില്ലകളില് നിന്നായി നൂറിലധികം മോഷണങ്ങള് നടത്തിയിട്ടുണ്ട്. രാത്രികാലങ്ങളില് വീടുകളില് കയറി ഉറങ്ങിക്കിടക്കുന്ന സ്ത്രീകളുടെയും കുട്ടികളുടെയും സ്വര്ണ്ണാഭരണങ്ങള് മോഷ്ടിക്കുന്നതായിരുന്നു ഇയാളുടെ രീതി.
വളരെ ആസൂത്രിതമായാണ് ഇയാളും കൂട്ടാളികളും മോഷണം നടത്തിയിരുന്നത്. പാലക്കാട് ജില്ലയിലെ കൊളപ്പുള്ളി, മാരുല്ലൂര്, പട്ടാമ്പി, തൃത്താല എന്നിവിടങ്ങളിലും മലപ്പുറം ജില്ലയിലെ കൊണ്ടോട്ടി, കൊളപ്പുറം എന്നിവിടങ്ങളിലും വീട് വാടകക്കെടുത്ത് താമസിച്ചിരുന്നു. ഇവിടങ്ങളില് പകല് വാഹനങ്ങളില് കറങ്ങിയാണ് മോഷണം നടത്തേണ്ട വീട് കണ്ടുപിടിക്കുന്നത്.
പ്രതിയെ പെരിന്തല്മണ്ണ കോടതിയില് ഹാജരാക്കി. സിഐ സാജു.കെ.അബ്രഹാം, എസ്ഐ പി.വിഷ്ണു എന്നിവരുടെ നേതൃത്വത്തിലുള്ള സംഘമാണ് തുടര് അന്വേഷണം നടത്തുന്നത്.
