മലപ്പുറം: കേരളാ ക്ഷേത്രസംരക്ഷണ സമിതി ജില്ലാ സമ്മേളനം 23ന് മേലാറ്റൂരില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
മേലാറ്റൂര്‍ കല്ല്യാണമണ്ഡപത്തിലെ മാധവ്ജി നഗറില്‍ രാവിലെ 9.30ന് ആര്‍എസ്എസ് സീമാജാഗരണ്‍ സംസ്ഥാന സെക്രട്ടറി എ.ഗോപാലകൃഷ്ണന്‍ ഉദ്ഘാടനം ചെയ്യും. സംസ്ഥാന രക്ഷാധികാരി എന്‍.എം.കദംബന്‍ നമ്പൂതിരിപ്പാട് അദ്ധ്യക്ഷനാകും.
ഉച്ചക്ക് 12ന് നടക്കുന്ന മാതൃസമ്മേളനം ഹിന്ദുഐക്യവേദി സംസ്ഥാന അദ്ധ്യക്ഷ കെ.പി.ശശികല ടീച്ചര്‍ ഉദ്ഘാടനം ചെയ്യും. മാതൃസമിതി ജില്ലാ പ്രസിഡന്റ് വി.എം.ലീലാവതിഅമ്മ അദ്ധ്യക്ഷയാകും. തുടര്‍ന്ന് സംഘടനാ സമ്മേളനം നടക്കും.
വൈകിട്ട് നാലിന് പ്രദേശത്തെ വിവിധ ക്ഷേത്രങ്ങളില്‍ നിന്നെത്തുന്ന ശോഭായാത്രകള്‍ ചേര്‍ന്ന് മഹാശോഭായാത്രയായി പഞ്ചായത്ത് മിനി ഓഡിറ്റോറിയത്തിലെ കേളപ്പജി നഗറില്‍ സംഗമിക്കും. തുടര്‍ന്ന് നടക്കുന്ന ഹിന്ദുമഹാസംഗമം പുന്നപ്പാല ശങ്കരാശ്രമം മഠാധിപതി സ്വാമി പരമാനന്ദപുരി ഉദ്ഘാടനം ചെയ്യും. ഭാരതീയ വിചാരകേന്ദ്രം സംസ്ഥാന സംഘടനാ സെക്രട്ടറി കാ.ഭാ.സുരേന്ദ്രന്‍ മുഖ്യപ്രഭാഷണം നടത്തും.
വാര്‍ത്താസമ്മേളനത്തില്‍ സംസ്ഥാന സമിതിയംഗം കെ.കൃഷ്ണപ്രഗീഷ്, ജില്ലാ പ്രസിഡന്റ്, ജില്ലാ പ്രസിഡന്റ് കെ.പി.ശിവരാമന്‍, ജില്ലാ ജനറല്‍ സെക്രട്ടറി കെ.എ.മോഹനന്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: