നെയ്യാറ്റിന്കര: നിയമം ലംഘിച്ച് ക്രൈസ്തവ ആരാധന നടത്തിയതിനെത്തുടര്ന്ന് ഉദിയന്കുളങ്ങരയില് സംഘര്ഷം. ഉദിയന്കുളങ്ങരയ്ക്ക് സമീപം കൊറ്റാമം രാജപാതയില് അനധികൃതമായി കുരിശ് സ്ഥാപിക്കുന്നതിനെത്തുടര്ന്നായിരുന്നു സംഘര്ഷം. ഹൈന്ദവ ക്ഷേത്രവും ഹൈന്ദവ വിശ്വാസികളും താമസിക്കുന്ന സ്ഥലത്ത് അനധികൃതമായി കുരിശ് സ്ഥാപിക്കുന്നതിനെതിരെ നാട്ടുകാര് അധികൃതര്ക്ക് പരാതി നല്കിയിരുന്നു. തുടര്ന്നുള്ള അന്വേഷണത്തില് പ്രദേശത്ത് ക്രൈസ്തവ ആരാധനയും മറ്റ് പ്രവര്ത്തനങ്ങളും നടത്താന് പാടില്ലായെന്ന് ഹൈക്കോടതി ഉത്തരവിടുകയും ചെയ്തിരുന്നു. എന്നാല് നിയമങ്ങള് ലംഘിച്ച് കൊറ്റാമം കുംഭംവിള ചെറുപുഷ്പം ദേവാലയത്തിലെ പുരോഹിതരുടെ നേതൃത്വത്തില് മറ്റ് പ്രദേശങ്ങളില് നിന്നുമുള്ള ആളുകളെ വാഹനങ്ങളില് കൊറ്റാമത്ത് കൊണ്ടു വരികയും അനധികൃതമായി സ്ഥാപിച്ച കുരിശിനു മുന്നില് ആരാധന ആരംഭിക്കുകയും ചെയ്തു.
സംഭവം അറിഞ്ഞെത്തിയ നാട്ടുകാരെ പുരോഹിതര് കൈയേറ്റം ചെയ്യാന് ശ്രമിച്ചത് സംഘര്ഷത്തിനു വഴിയൊരുക്കി. ഇത്തരത്തില് മാസങ്ങള്ക്ക് മുമ്പും ഗുണ്ടകളെയിറക്കി ആരാധനയ്ക്ക് ശ്രമിച്ചിരുന്നു. വിവരമറിഞ്ഞ് പോലീസ് സ്ഥലത്തെത്തുകയും ആരാധനയ്ക്കെത്തിയവരെ പറഞ്ഞ് വിടുകയും ചെയ്തു. ഹൈന്ദവ വിശ്വാസികളെ കൈയേറ്റം ചെയ്ത പുരോഹിതന്മാര്ക്കെതിരെ നടപടിയെടുക്കണമെന്ന് ആവിശ്യപ്പെട്ട് പോലീസിനു പരാതി നല്കി. പുരോഹിത വസ്ത്രം അണിഞ്ഞുകൊണ്ട് ഗുണ്ടായിസമാണ് നടത്തുന്നതെന്നും സമാധാനപരമായി ജീവിക്കുന്ന പ്രദേശത്ത് വര്ഗീയ സംഘര്ഷമുണ്ടാക്കാന് ശ്രമിക്കുന്നവര്ക്കെതിരെ ശക്തമായ നടപടി സ്വീകരിക്കണമെന്നും വിവിധ ഹൈന്ദവ സംഘടനകള് ആവശ്യപ്പെട്ടു.
നെയ്യാറ്റിന്കരയുടെ വിവിധ പ്രദേശങ്ങളില് അനധികൃതമായി ആദ്യം കുരിശ് സ്ഥാപിക്കുകയും മാസങ്ങള് കഴിയുമ്പോള് ആരാധനകളും കണ്വന്ഷനുകളും സംഘടിപ്പിക്കുകയും ക്രമേണ വലിയ പള്ളികളായി മാറുകയും ചെയ്യുന്നത് പതിവാണ്. ഇത്തരത്തില് രേഖകളുമില്ലാത്ത നിരവധി കുരിശുകളും വലിയ പള്ളികളും നെയ്യാറ്റിന്കര താലൂക്കില് പ്രവര്ത്തിക്കുന്നുണ്ട്. വര്ഗീയ സംഘര്ഷത്തിനു വഴിയൊരുക്കുന്ന ഇത്തരം അനധികൃത സ്ഥാപനങ്ങള്ക്കെതിരെ നടപടിയെടുക്കേണ്ടവര് മൗനത്തിലാണ്.
