തിരുവനന്തപുരം: എച്ച്1 എന്1, ഡെങ്കിപ്പനി, മലമ്പനി മുതലായ പകര്ച്ച പനികള്ക്കെതിരെ ജാഗ്രത വേണമെന്ന് മെഡിക്കല് കോളേജ് അറിയിച്ചു. കാലാവസ്ഥാ വ്യതിയാനം കാരണം പകര്ച്ച പനികള് വര്ധിച്ച സാഹചര്യത്തിലാണ് പൊതുജനങ്ങള്, രോഗികളെ ശുശ്രൂക്ഷിക്കുന്നവര്, രോഗികളുമായി നേരിട്ടിടപഴകുന്ന ഡോക്ടര്മാര്, നഴ്സ്മാര്, മറ്റിതര ആശുപത്രി ജീവനക്കാര് തുടങ്ങിയവര്ക്ക് ജാഗ്രത നിര്ദേശം നല്കുന്നത്. ആരോഗ്യ വകുപ്പ് അഡീഷണല് ചീഫ് സെക്രട്ടറി രാജീവ് സദാനന്ദന് ഐ.എ.എസിന്റെ നേതൃത്വത്തില് കൂടിയ അവലോകന യോഗത്തിലെ നിര്ദേശത്തെ തുടര്ന്നാണ് ജാഗ്രതാ നിര്ദേശം നല്കാനും ബോധവത്ക്കരണം നടത്താനും തീരുമാനിച്ചത്.
പനി, ശരീര വേദന, തലവേദന, ജലദോഷം, ചുമ, തൊണ്ട വേദന തുടങ്ങിയ ലക്ഷണങ്ങള് ഉണ്ടായാല് സ്വയം ചികിത്സിക്കാതെ ഡോക്ടര്മാരെ കാണിക്കണം.പനി പകരാതിരിക്കാനുള്ള മുന്കരുതലുകളെന്ന നിലയില് ബോധവത്ക്കരണ ക്ലാസുകള്, ലഘുലേഖ വിതരണം, പോസ്റ്റര് പ്രദര്ശനം എന്നിവയും സംഘടിപ്പിക്കുന്നതാണെന്ന് മെഡിക്കല്കോളേജ് അധികൃതര് അറിയിച്ചു.
