കോഴഞ്ചേരി:ശബരിമല ധര്മ്മശാസ്താക്ഷേത്രത്തില് പുതുതായി നിര്മ്മിക്കുന്ന കൊടിമരത്തിന്റെ ആധാരശിലയും വഹിച്ചുകൊണ്ടുള്ള ഘോഷയാത്രയ്ക്ക് ആറന്മുളയില് സ്വീകരണം നല്കി. ചെങ്ങന്നൂര് സദാശിവന് ആചാരിയുടെ നേതൃത്വത്തില് തയ്യാറാക്കിയ ശില രാവിലെ 9.30 ന് ചെങ്ങന്നൂര് തൃച്ചിറ്റാട്ട് മഹാവിഷ്ണുക്ഷേത്രത്തില് നിന്നും പുറപ്പെട്ട് വണ്ടിമല, കാരയ്ക്കാട് വഴി പന്തളം വലിയകോയിക്കല് ക്ഷേത്രത്തിലെത്തി. ഇവിടെ നിന്നും കുളനട കുറിയാനിപ്പള്ളി , പള്ളിമുക്കം്, വിജയാനന്ദാശ്രമം വഴി ഉച്ചയ്ക്ക് ആറന്മുള പാര്ത്ഥസാരഥി ക്ഷേത്രത്തിലെത്തിച്ചേര്ന്നു. ഉപദേശക സമിതി, പാര്ത്ഥസാരഥി ക്ഷേത്ര ട്രസ്റ്റ്, പള്ളിയോട സേവാസംഘം വിവിധ ഭക്തജന സംഘടനകള് എന്നിവരുടെ നേതൃത്വത്തില് സ്വീകരണം നല്കി. മൂര്ത്തിട്ട, പുന്നംതോട്ടം, നെടുപ്രയാര്, പ്രമാടം, തേവരകുന്ന് വഴി തേവലശ്ശേരിയില് എത്തി വിശ്രമിച്ച ശേഷം പുറപ്പെട്ട ഘോഷയാത്ര കോഴഞ്ചേരി, ചെറുകോല്, കാട്ടൂര്, കീക്കൊഴൂര്, ഇടക്കുളം, വടശ്ശേരിക്കര, പ്രയാര്, മാടമണ്, പെരുനാട്, ളാഹ, തലപ്പാറമല ,നിലയ്ക്കല് വഴി പമ്പാഗണപതി ക്ഷേത്രത്തിലേക്ക് പുറപ്പെട്ടു.
ആധാരശിലഘോഷയാത്രയ്ക്ക് ആറന്മുളയില് സ്വീകരണം നല്കി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.