ഒറ്റപ്പാലം : ലക്കിടി നെഹ്‌റു കോളേജില്‍ ബിടെക് സീനിയര്‍-ജൂനിയര്‍ വിഭാഗം വിദ്യാര്‍ത്ഥികള്‍ തമ്മിലുണ്ടായ സംഘര്‍ഷത്തില്‍ ഏഴ് വിദ്യാര്‍ത്ഥികള്‍ക്ക് പരുക്ക്.
ഇവരെ ഒറ്റപ്പാലം താലൂക്ക് ആശുപത്രിയില്‍ പ്രവേശിപ്പിച്ചു. രാവിലെ 10 മണിയോടെയായിരുന്നു സംഘര്‍ഷമുണ്ടായത്. ഉടന്‍ പോലീസ് സ്ഥലത്തെത്തി സംഘര്‍ഷം നിയന്ത്രിച്ചു. ഇരു വിഭാഗം തമ്മിലുണ്ടായ വാക്കുതര്‍ക്കം സംഘര്‍ഷത്തില്‍ കലാശിക്കുകയായിരുന്നു.
മുന്‍വൈരാഗ്യമാണ് സംഭവത്തിന് കാരണമെന്ന് പോലീസ് പറഞ്ഞു. ചെയിന്‍, ഇരുമ്പുവടി, ചങ്ങല തുടങ്ങിയ മാരകായുധങ്ങള്‍ ഇരു വിഭാഗങ്ങളും ഉപയോഗിച്ചു.അക്രമം കോളേജിനുള്ളില്‍ പരിഭ്രാന്തി സൃഷ്ടിച്ചു. വിവരം അറിഞ്ഞ് നാട്ടുകാരും കോളേജ് പരിസരത്തെത്തി. സംഭവ സ്ഥലത്തു നിന്നും 13 പേരെ പോലീസ് അറസ്റ്റ്‌ചെയ്തു. പരുക്കേറ്റ ഏഴു പേരെ ആശുപത്രിയില്‍ പ്രവേശിപ്പിച്ചു. എട്ടു വിദ്യാര്‍ഥികള്‍ക്കെതിരെ പോലീസ് കേസെടുത്തു.
പ്രതികരിക്കാൻ ഇവിടെ എഴുതുക: