.പാലക്കാട് : വടക്കന്തറയിലും, കര്‍ണ്ണകി നഗറിലും കഴിഞ്ഞ ദിവസം നടന്ന ഗുണ്ടാ ആക്രമണങ്ങളില്‍ ബിജെപിക്കോ ആര്‍എസ്എസിനോ യാതൊരു പങ്കുമില്ലെന്ന് ബിജെപി ജില്ലാ കമ്മിറ്റി വ്യക്തമാക്കി. സിപിഎമ്മിന്റെ പ്രസ്താവന വാസ്തവ വിരുദ്ധവും, അപലപനീയവുമാണ്. അടിസ്ഥാന പ്രശ്‌നങ്ങളില്‍ നിന്നും ഒളിച്ചോടാനാണ് സിപിഎം ശ്രമിക്കുന്നത്.
ബിജെപിയുമായോ, ആര്‍എസ്എസ്സുമായോ യാതൊരു ബന്ധവുമില്ലാത്തവരാണ് കേസിലുള്‍പ്പെട്ടവര്‍. പലതവണ കാപ്പാ നിയമത്തില്‍ ജയിലില്‍ പോയിട്ടുള്ളവരും പലവിധത്തിലുള്ള ക്വട്ടേഷനും, ഗുണ്ടാ പ്രവര്‍ത്തനവും നടത്തി വരുന്നവരുമാണിവര്‍.
ആഭ്യന്തര വകുപ്പിന്റെയും, പോലീസിന്റെയും ഭാഗത്തുനിന്നിട്ടുള്ള വീഴ്‌ച്ച മറച്ചു വെക്കാനാണ് കപടപ്രസ്താവനയുമായി സിപിഎമ്മ് രംഗത്തിറങ്ങിയിട്ടുള്ളതെന്ന് ബിജെപി ചൂണ്ടിക്കാട്ടി.
നഗരത്തിലെ പല പ്രദേശങ്ങളിലും ജില്ലയിലെ പല ഭാഗങ്ങളിലും സിപിഎം ഗുണ്ടകള്‍ പൊതുജനങ്ങള്‍ക്കെതിരെയും, പോലീസിന് നേരെ വെടിയുതിര്‍ത്ത സംഭവങ്ങള്‍ വരെയുണ്ടായിട്ടുള്ളതാണ് ഇതു മറച്ചുവെക്കാന്‍ വേണ്ടിയാണ് സിപിഎം ശ്രമിക്കുന്നത്.
ഈ കേസിലുള്‍പ്പെട്ട മുഴുവന്‍ പ്രതികള്‍ക്കെതിരെയും കാപ്പാ നിയമം ചുമത്തി എത്രയും പെട്ടെന്നു തന്നെ അറസ്റ്റു ചെയ്യണമെന്ന് ബിജെപി ജില്ലാ കമ്മിറ്റി ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: