കുണ്ടറ: കളിസ്ഥലത്തെ തര്ക്കം മുതലെടുത്ത് സംഘര്ഷത്തിന് സിപിഎം നീക്കം. ചാറുകാട് നടന്ന തര്ക്കത്തെ രാഷ്ട്രീയ കലാപമാക്കാനാണ് നീക്കം.
കഴിഞ്ഞ ദിവസം കളിസ്ഥലത്തു നടന്ന ഏറ്റുമുട്ടലില് ചിലര്ക്ക് പരിക്കേറ്റിരുന്നു. തല്ലിയത് ആര്എസ്എസുകാരും തല്ലുകൊണ്ടത് സിപിമ്മുകാരുമാണെന്നു പ്രചരിപ്പിക്കുകയായിരുന്നു അവര്. ഇതിന്റെ പേരില് ഇന്നലെ പഞ്ചായത്തില് ഹര്ത്താല് നടത്തിയ സിപിഎം പ്രദേശത്ത് വ്യാപകമായി അക്രമം അഴിച്ചുവിട്ടു. ബിജെപി സംഘടനകളുടെ കൊടികളും പ്രചാരണബോര്ഡുകളും നശിപ്പിച്ചു. പ്രദേശത്തു പ്രശ്നങ്ങള് വളര്ത്തി മുതലെടുക്കാനാണ് സിപിഎം ശ്രമിക്കുന്നത്. നേരത്തെയും ചെറുകാട് മേഖലയില് സിപിഎം അക്രമം നടത്തിയിരുന്നു. ഒരു ചെറിയ ഇടവേളക്കുശേഷം വീണ്ടും കള്ളക്കഥകള് പ്രചരിപ്പിച്ച് കലാപം നടത്താനുള്ള നീക്കമായാണ് ഇത് വിലയിരുത്തപ്പെടുന്നത്.
പ്രദേശത്തെ യുവാക്കള് ഒത്തുചേര്ന്ന് കളിക്കുന്നതിനിടയില് ഉണ്ടായ സ്വാഭാവിക തര്ക്കങ്ങളാണ് സംഘര്ഷത്തിലേക്ക് മാറിയത്. ശനിയാഴ്ചയാണ് പ്രശ്നങ്ങളുടെ തുടക്കം. അന്ന് നടന്ന കയ്യാങ്കളിയില് ചിലര്ക്ക് പരിക്കേറ്റിരുന്നു. എന്നാല് അത് രാഷ്ട്രീയസംഘര്ഷമാണെന്ന വാദമുയര്ന്നിരുന്നില്ല. അടുത്തദിവസം വീണ്ടും പരസ്പരം ഏറ്റുമുട്ടലുണ്ടാകുകയായിരുന്നു. കളിസ്ഥലത്ത് ഒത്തുചേരുന്നവരില് എല്ലാ വിഭാഗക്കാരും ഉണ്ടെന്ന് നാട്ടുകാര് ചൂണ്ടിക്കാട്ടുന്നു. എന്നിട്ടും മര്ദ്ദനമേറ്റവര് സിപിഎമ്മുകാരാണെന്ന് പ്രചരിപ്പിച്ച് ഹര്ത്താലിന് ആഹ്വാനം ചെയ്യുകയായിരുന്നു സിപിഎം. ഹര്ത്താലിന്റെ മറവില് പ്രദേശത്ത് നടന്ന സിപിഎം അക്രമത്തിനെതിരെ പ്രതിഷേധം ശക്തമാണ്. ആര്എസ്എസ്, ബിജെപി സംഘടനകളുടെ പ്രചാരണബോര്ഡുകള് തകര്ത്തതിലും കള്ളക്കഥകള് മെനഞ്ഞ് സംഘര്ഷം സൃഷ്ടിക്കാനുള്ള ശ്രമത്തിലും പ്രതിഷേധിച്ച് ഇന്നലെ പ്രദേശത്ത് പ്രകടനം നടന്നു.
