തൃശൂര്: കേരളത്തിലെ സ്വര്ണവ്യാപാരികളില് നിന്ന് അന്യായമായി പര്ച്ചേയ്സ് ടാക്സ് ഈടാക്കുന്നത് ഒഴിവാക്കണമെന്നാവശ്യപ്പെട്ട് 14ന് ജില്ലയിലെ സ്വര്ണവ്യാപാരികള് കടകളടച്ചിടുമെന്ന് കേരള ഗോള്ഡ് ആന്ഡ് സില്വര് ഡീലേഴ്സ് അസോസിയേഷന് ഭാരവാഹികള് പത്രസമ്മേളനത്തില് അറിയിച്ചു. സംസ്ഥാനത്ത നിരവധി വ്യാപാരികള്ക്ക് പര്ച്ചേയ്സ് നികുതി അടയ്ക്കണമെന്നാവശ്യപ്പെട്ട് നോട്ടീസ് ലഭിച്ചിരിക്കയാണ്. പലര്ക്കും വ്യാപാരികളുടെ മൂലധനത്തേക്കാള് കൂടുതലാണ് നികുതിയായി അടയ്ക്കണമെന്നാവശ്യപ്പെട്ടിരിക്കുന്നത്. ധനമന്ത്രി തോമസ് ഐസക്കിനെ നേരില്കണ്ട് ആവശ്യപ്പെട്ടപ്പോള് നിയമനിര്മാണ പിശക് മൂലം വന്നതാണെന്നാണ് വ്യക്തമാക്കിയിരിക്കുന്നത്. എന്നാല് ഇതു തിരുത്താന് ഇനിയും തയ്യാറാകാത്തതില് പ്രതിഷേധിച്ചാണ് കടയടപ്പ് സമരവുമായി മുന്നോട്ടു പോകുന്നതെന്ന് അസോസിയേഷന് പ്രസിഡന്റ് ഷാജു ചിറയത്ത് പറഞ്ഞു. കടകളടച്ച് വ്യാപാരികള് കളക്ടറേറ്റ് പടിക്കല് ധര്ണ നടത്തും. ജനറല് സെക്രട്ടറി പി.എം.റഫീക്ക്, സെക്രട്ടറി അസീസ് തൃപ്രയാര്, മുഹമ്മദ് യൂസഫ് എന്നിവരും പത്രസമ്മേളനത്തില് പങ്കെടുത്തു.
സ്വര്ണവ്യാപാരികള് 14ന് കടകളടച്ചിടും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.