തൃശൂര് : ഈ വര്ഷത്തെ 200 ഓളം സൗജന്യ നേത്ര പരിശോധനാ ക്യാമ്പുകളിലൂടെ 50,000 ത്തോളം പേരെ പരിശോധിക്കുകയും 8000 പേര്ക്ക് ശസ്ത്രക്രിയയിലൂടെ കാഴ്ച്ച തിരിച്ചുനല്കുവാനും 10,000 പേര്ക്ക് സൗജന്യ കണ്ണടകള് നല്കുവാനും ലയണ്സ് ക്ലബ്ബ്സ് ഇന്റര്നാഷണല് തൃശൂര് ഡിസ്ട്രിക്റ്റ് 318ഡി യ്ക്ക് കഴിഞ്ഞുവെന്ന് ക്യാബിനറ്റ് ജോയിന്റ് സെക്രട്ടറി അഡ്വ. മിക്കി നടക്കിലാന് പറഞ്ഞു.
തൃശൂര് രാമവര്മ്മപുരം ക്രൈസ്റ്റ് പുവര് വില്ലാ ഹോമില് 200-ാമത്തെ സൗജന്യ നേത്ര പരിശോധനാക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. യോഗത്തില് ക്രൈസ്റ്റ് പുവര് ഹോം വില്ല ഡയറക്ടര് ഫാദര് സെബി കവലക്കാട്ട് അദ്ധ്യക്ഷത വഹിച്ചു. ലയണ്സ് ക്ലബ്ബ് ഓഫ് ട്രിച്ചൂര് പ്രസിഡന്റ് ജെയിംസ് വളപ്പില മുഖ്യപ്രഭാഷണം നടത്തി.
എണ്വയോണ്മെന്റ് പ്രൊജക്റ്റിന്റെ ഭാഗമായി കൃഷിത്തോട്ടത്തിനുള്ള പച്ചക്കറി ചെടികളുടെ വിതരണം തൃശൂര് ലയണസ് ക്ലബ്ബ് പ്രസിഡന്റ് ലീന ജെയിംസും, ക്ലീന് സിറ്റിയുടെ ഭാഗമായുള്ള വേസ്റ്റ്ബിന് വിതരണം തൃശൂര് ലയണ്സ് ക്ലബ്ബ് സെക്രട്ടറി ജിയോ കാട്ടൂകാരനും, ദാരിദ്ര നിര്മ്മാര്ജ്ജന പദ്ധതിയുടെ ഭാഗമായുള്ള അരി വിതരണം മുന് ലയണ്സ് ക്ലബ്ബ് പ്രസിഡന്റ് ജെറോം മഞ്ഞിലയും നിര്വ്വഹിച്ചു. ലയണ്സ് ഡിസ്ട്രിക്റ്റ് വൈസ് പ്രസിഡന്റുമാരായ അഡ്വ. പ്രവീണ് സ്വാഗതവും ജെയിംസ് മാളിയേക്കല് നന്ദിയും പറഞ്ഞു.
