പാലക്കാട്: കാപ്പ കുറ്റവാളി കഞ്ചാവ് കേസില്‍ പിടിയിലായി. പേഴുങ്കര നൗഷാദാണ് പത്തിരിപാലയില്‍ കഞ്ചാവ് കടത്തുന്നതിനിടെ എക്‌സൈസിന്റെ പിടിയിലായത്. പെട്ടി ഓട്ടോയില്‍ കഞ്ചാവുകടത്താന്‍ ശ്രമിക്കുകയായിരുന്ന ഇയാള്‍ പത്തിരിപ്പാല ഹയര്‍ സെക്കന്‍ഡറി സ്‌കൂളിന് മുന്നില്‍ വാഹന പരിശോധനക്കിടെ പറളി എക്‌സൈസ് സംഘത്തെ കണ്ട് ഓടിരക്ഷപ്പെടാന്‍ ശ്രമിക്കുകയായിരുന്നു.
1.090 കി.ഗ്രാം കഞ്ചാവ് പിടിച്ചെടുത്തിട്ടുണ്ട്.പ്രതിയെ റിമാന്റ് ചെയ്തു. വിവിധ കോളേജ് വിദ്യാര്‍ഥികള്‍ക്ക് കഞ്ചാവ് എത്തിച്ചു നല്‍കുന്നതിലെ പ്രധാന കണ്ണിയാണ് അറസ്റ്റിലായ നൗഷാദ്. അസി.എക്‌സൈസ് കമ്മീഷനര്‍ എം.എസ്.വിജയന്‍,പറളി എക്‌സൈസ് ഇന്‍സ്‌പെക്ടര്‍ പ്രശോഭ്, അസി.എക്‌സൈസ് ഇന്‍സ്‌പെക്ടര്‍ ഹേമന്ത്കുമാര്‍, പിഒ പ്രേമാ നന്ദകുമാര്‍, സിഇഒ ാരായ ഷജികുമാര്‍, സജീഷ്‌കുമാര്‍,ശ്രീജിത്ത്, ഡ്രൈവര്‍ മുരളി, മോഹനന്‍ എന്നിവരാണ് പിടികൂടിയത്.
പ്രതികരിക്കാൻ ഇവിടെ എഴുതുക: