ചിറ്റൂര്‍:നികുതി വെട്ടിച്ച് കോഴിക്കുഞ്ഞുങ്ങളെ കടത്തിയ ആഡംബര വാഹനം മീനാക്ഷിപുരം പോലീസ്പിടികൂടി.
ഇന്നലെ പുലര്‍ച്ചെ 2.30 ന് മീനാക്ഷിപുരം മൂപ്പന്‍കുളത്തുവച്ചാണ്പിടികൂടിയത്. ചിറ്റൂര്‍ സിഐ വി.ഹംസയ്‌ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് വാഹന പരിശോധന നടത്തിയത്. കൈ കാണിച്ചിട്ടും നിര്‍ത്താതെ പോയ വാഹനത്തെ പിന്‍തുടര്‍ന്ന് പിടികൂടുകയായിരുന്നു. ഡ്രൈവര്‍ ആലപ്പുഴ തമ്പോളി അലൂഷിയസ് മകന്‍ ആന്റണി(31)യെ അറസ്റ്റ് ചെയ്തു.
തമിഴ്‌നാട് പല്ലടത്തുള്ള സന്‍മതി ഫാമില്‍ നിന്ന് ആലപ്പുഴ തമ്പോളിയിലേക്ക് കടത്തുകയായിരുന്നു.
വാഹനത്തിന്റെ സീറ്റുകള്‍ അഴിച്ചുമാറ്റി ട്രേകളിലായാണ് കോഴി കുഞ്ഞുങ്ങളെ കടത്തിയത്. മീനാക്ഷിപുരം, കന്നിമാരി വാണിജ്യനികുതി ചെക്ക് പോസ്റ്റുകള്‍,എക്‌സൈസ്,വനം ചെക് പോസ്റ്റുകളിലൂടെയുമാണ് വാഹനം കടന്നുവന്നത്. ഇവിടെയൊന്നും യാതൊരു വിധ പരിശോധനയും ഉണ്ടായിരുന്നില്ലെന്നും ആന്റണി പറഞ്ഞു.
എസ്‌ഐ വി.എസ്.ശ്യാംകുമാര്‍,എഎസ്‌ഐ കെ.കൃഷ്ണന്‍കുട്ടി, ഡ്രൈവര്‍ പ്രിന്‍സ് എന്നിവരുടെ നേതൃത്വത്തിലാണ് പിടികൂടിയത്.
പ്രതികരിക്കാൻ ഇവിടെ എഴുതുക: