തൃശൂര് : മാര്ക്സിസ്റ്റ് അക്രമരാഷ്ട്രീയത്തിനെതിരെ കേരളത്തിന്റെ അമ്മമനസ്സിന്റെ തേങ്ങലും താക്കീതുമായി വിമലാദേവിയുടെ ചിതാഭസ്മയാത്ര. കഞ്ചിക്കോട് മാര്ക്സിസ്റ്റ് അക്രമികള് ചുട്ടുകൊന്ന വിമലാദേവിയുടെ ചിതാഭസ്മ നിമഞ്ജനയാത്രക്ക് ജില്ലയുടെ വിവിധ കേന്ദ്രങ്ങളില് ആയിരങ്ങള് അഞ്ജലികളര്പ്പിച്ചു.
രാവിലെ പാലക്കാടുനിന്ന് എത്തിയ യാത്രയെ ജില്ലാ അതിര്ത്തിയായ വാണിയമ്പാറയില് സ്വീകരിച്ചു. തൃശൂര് നടുവിലാലില് നടന്ന സമ്മേളനം ബിജെപി സംസ്ഥാന ജനറല് സെക്രട്ടറി എ.എന്.രാധാകൃഷണന് ഉദ്ഘാടനം ചെയ്തു. പ്രൊഫ.വി.ടി.രമ മുഖ്യപ്രഭാഷണം നടത്തി.
അമ്മയുടെ സ്നേഹ വാത്സല്യങ്ങളില് നിന്ന് കേരളത്തെ അരിവാളിന്റെ കൊലപാതക രാഷ്ട്രീയത്തിലേക്കാണ് സിപിഎം നയിക്കുന്നതെന്ന് അവര് പറഞ്ഞു. കേരളത്തിന്റെ സംസ്കാരത്തേയും മൂല്യങ്ങളേയും സിപിഎം ഇല്ലാതാക്കി.
ജാഥാ നായിക രേണു സുരേഷ്, ഉപനായിക സി.നിവേദിത, സംസ്ഥാന വൈസ് പ്രസിഡന്റ്എം.എസ് സമ്പൂര്ണ്ണ,ജില്ലാ പ്രസിഡന്റ് എ.നാഗേഷ്, ജനറല് സെക്രട്ടറിമാരായ കെ.കെ.അനീഷ്കുമാര്,കെ.പി ജോര്ജ്, വൈസ് പ്രസിഡന്റ് രവികുമാര് ഉപ്പത്ത് കൗണ്സിലര്മാരായ ഐ.ലളിതാംബിക, പൂര്ണ്ണിമ സുരേഷ്, വിന്ഷി അരുണ്കുമാര്, മഹിളാ മോര്ച്ച ജില്ലാ പ്രസിഡന്റ് പ്രമീള സുദര്ശന് തുടങ്ങിയവര് പങ്കെടുത്തു. ഗുരുവായൂരില് നടന്ന പൊതുയോഗം ജയസൂര്യന് പാല ഉദ്ഘാടനം ചെയ്തു. മഹിളാമോര്ച്ച മണ്ഡലം പ്രസിഡന്റ് സുശീലമുരളീധരന് ചിതാഭസ്മ കുംഭത്തെ പുഷ്പഹാരമണിയിച്ച് സ്വീകരിച്ചു. സീനാ സുരേഷ് ,ഷഗീല ധര്മ്മരാജ്, അഡ്വ: ഷീബ, സന്ധ്യാ പ്രഭു, ശാന്തി സതീശന്, ദീപാബാബു, ഉമാദേവി ഷണ്മുഖന്, ഹീരകൃഷ്ണദാസ്, സിന്ധു ദിനേശന്, തുടങ്ങിയവര് സംസാരിച്ചു. തൃപ്രയാറില് സംസ്ഥാന ജനറല് സെക്രട്ടറി കെ.സുരേന്ദ്രന് പൊതു സമ്മേളനം ഉദ്ഘാടനം ചെയ്തു.
മഹിളാമോര്ച്ച മണ്ഡലം പ്രസിഡണ്ട് എന്.പി.തങ്കമണി അദ്ധ്യക്ഷത വഹിച്ചു. അവിണിശ്ശേരി പഞ്ചായത്ത് പ്രസിഡണ്ട് സൂര്യഷോബി, ജില്ലാപ്രസിഡണ്ട് പ്രമീള സുദര്ശന്, പത്മിനി പ്രകാശന് തുടങ്ങിയവര് നേതൃത്വം നല്കി.
കൊടുങ്ങല്ലൂരില് ബിജെപി സംസ്ഥാന സമിതിയംഗം ഷാജുമോന് വട്ടേകാട് സ്വീകരണ സമ്മേളനം ഉദ്ഘാടനം ചെയ്തു. മണ്ഡലം പ്രസിഡന്റ് അമ്പാടി പടിഞ്ചേരി അദ്ധ്യക്ഷത വഹിച്ചു.ബി ജെ പി മണ്ഡലം പ്രസിഡന്റ് എം.ജി. പ്രശാന്ത് ലാല്.ടി.ബി.സജീവന്, എല്.കെ മനോജ്;കെ. കെ.രാമു എന്നിവര് സംസാരിച്ചു. ജാഥാ ക്യാപ്റ്റന് പട്ടികജാതി മോര്ച്ച ജില്ല പ്രസിഡന്റ് പി.കെ.ബാബു നന്ദി പറഞ്ഞു.
