കല്‍പ്പറ്റ : സംസ്ഥാന ദേവസ്വം സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ തരം താഴ്ന്ന രാഷ്‌ട്രീയക്കാരനാവാരുതെന്ന് ബിജെപി വയ നാട് ജില്ലാ ക്കമ്മിറ്റി.
വിവിധ പദ്ധതികളുടെ ഉദ്ഘാടനത്തിനായി ചുരം കയറി എത്തിയ മന്ത്രിയുടെ നാവില്‍ നിന്നും വികസനത്തിന്റെ വാക്കുകള്‍ക്കായി കാതോര്‍ത്ത വയനാടന്‍ ജനതയ്‌ക്ക് കേള്‍ക്കാനായത് തരം താഴ്ന്ന രാഷ്‌ട്രീയ പ്രസംഗം മാത്രമാണ്. പങ്കെടുത്ത വേദികളിലെല്ലാം വയനാടിന്റെ വികസനം ചര്‍ച്ച ചെയ്യുന്നതിന് പകരം നരേന്ദ്രമോദി സര്‍ക്കാരിനെ കുറ്റം പറയുന്നതിനാണ് മന്ത്രി സമയം ചിലവഴിച്ചത്.
ഭാരതത്തിലെ ജനങ്ങളുടെ വികസനത്തിനായി പ്രവര്‍ത്തിക്കുന്ന കേന്ദ്ര ഗവണ്‍മെന്റിന് കടകംപള്ളിയുടെ സര്‍ട്ടിഫിക്കറ്റ് ആവശ്യമില്ല. കേന്ദ്ര സര്‍ക്കാരിനെ കുറ്റം പറയുന്നതിന് പകരം കേന്ദ്രം നല്‍കിയ അരിവിഹിതം പോലും സംസ്ഥാനത്തെ പാവപ്പെട്ടവര്‍ക്കു നല്‍കാത്ത പിണറായിക്കെതിരെയായിരുന്നു കടകംപള്ളി പ്രതികരിക്കേണ്ടിയിരുന്നത്.
സാമൂഹിക പ്രതിബദ്ധതയുള്ള മന്ത്രിമാര്‍ ഇത്തരം തരം താണ പ്രസ്താവനകള്‍ അവസാനിപ്പിച്ച് ജനങ്ങള്‍ക്ക് വേണ്ടി പ്രവര്‍ത്തിക്കണമെന്നും ഭാരതീയ ജനതാ പാര്‍ട്ടി ആവശ്യപ്പെട്ടു.
യോ ഗത്തില്‍ ജില്ലാ പ്രസി ഡന്റ് സജി ശങ്കര്‍ അധ്യക്ഷ വഹിച്ചു.
പ്രതികരിക്കാൻ ഇവിടെ എഴുതുക: