കല്‍പ്പറ്റ : ഭക്ഷ്യപ്രശ്‌നം പരി ഹരിക്കണമെന്നാവശ്യപ്പെട്ട് ഈ മാസം 13ന് മാനന്തവാടി, ബത്തേരി താലൂക്ക് സപ്ലൈ ഓഫീസുകളിലേക്ക് മാര്‍ച്ച് നടത്തുമെന്ന് യുവമോര്‍ച്ച ജില്ലാ കമ്മിറ്റി അറിയിച്ചു.
കേന്ദ്ര സര്‍ക്കാര്‍ കേരളത്തിന് നല്‍കിയ അരി മുഴുവന്‍ റേഷന്‍ കടകളിലൂടെ വിതരണം ചെയ്യുക, അര്‍ഹരായ മുഴുവന്‍ ആളുകളെയും ഉള്‍പ്പെടുത്തി കുറ്റമറ്റ റേഷന്‍ മുന്‍ഗണനാപട്ടിക പ്രസിദ്ധീകരിക്കുക, പുതുക്കിയ റേഷന്‍ കാര്‍ഡ് ഉടന്‍ വിതരണം ചെയ്യുക തുടങ്ങിയ ആവശ്യങ്ങളുന്നയിച്ചാണ് മാര്‍ച്ച് നടത്തുന്നത്. സംസ്ഥാനത്ത് താറുമാറായ റേഷന്‍ വിതരണ സ്തംഭനത്തെ കേന്ദ്ര സര്‍ക്കാരിന്റെ മേല്‍ കെട്ടിവെച്ച് ഉത്തരവാദിത്തത്തില്‍നിന്നും ഒഴിഞ്ഞു മാറാനുള്ള ഇടതുപക്ഷ ശ്രമം വിലപ്പോവില്ലെന്നും നേ താക്കള്‍ പറഞ്ഞു.
ജില്ലാ പ്രസിഡണ്ട് അഖില്‍ പ്രേം.സി അധ്യക്ഷത വഹിച്ചു. ജിതിന്‍ ഭാനു, പ്രശാന്ത് മലവയല്‍ തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: