കാളികാവ് ക്ഷേത്രത്തില്‍ ഇന്ന് കൊടിയേറ്റ്

കുറവിലങ്ങാട്: കാളികാവ് ശ്രീബാലസുബ്രഹ്മണ്യസ്വാമി ക്ഷേത്രത്തിലെ ഉത്സവത്തിന് ഇന്ന് കൊടിയേറും. 12 ന് സമാപിക്കും. 7 ന് രാവിലെ 9.30 ന് കലശം, കലശാഭിഷേകം, 10 ന് കളത്തൂരില്‍ നിന്നും കൊടിമരഘോഷയാത്ര, ഉച്ചകഴിഞ്ഞ് 4.30 നും 4.40 നും മദ്ധ്യേയുളള മുഹൂര്‍ത്തത്തില്‍ എം.എന്‍.ഗോപാലന്‍ തന്ത്രികളുടെയും റ്റി.കെ.സന്ദീപ്ശാന്തികളുടെയും മുഖ്യകാര്‍മ്മികത്വത്തില്‍ കൊടിയേറ്റ്. വൈകിട്ട് 7.30 ന് ഭക്തിഗാനമേള. 8, 9, 10, 11 തിയതികളില്‍ രാവിലെ 8 മുതല്‍ ശ്രീബലി, 9 മുതല്‍ കലശം, കലശാഭിഷേകം, 12.30 മുതല്‍ 2 വരെ പ്രസാദമൂട്ട്, ഉച്ചകഴിഞ്ഞ് 4.30 ന് കാഴ്ചശ്രീബലി, വൈകിട്ട് 7.15 ന് ഭജന, 9 ന് വിളക്കിനെഴുന്നളളിപ്പ് എന്നിവ നടക്കും. 8-ാം തിയതി ഉച്ചകഴിഞ്ഞ് 3 ന് കാളികാവ് ശ്രീനാരായണ പബ്‌ളിക് സ്‌കൂളിന്റെ വാര്‍ഷികാഘോഷവും കലാസന്ധ്യയും നടക്കും. 9 ന് വൈകിട്ട് 6 ന് കുറവിലങ്ങാട് എസ് എന്‍ ഡി പി ശാഖായോഗത്തിന്റെ നേത്യത്വത്തില്‍ കുറവിലങ്ങാട് ശ്രീനാരായണസൗധത്തില്‍ നിന്നും ക്ഷേത്രത്തിലേക്ക് താലപ്പൊലിഘോഷയാത്ര പുറപ്പെടും. 10 ന് വൈകിട്ട് 7 ന് കാളികാവ് ശ്രീനാരായണവിലാസം കുടുംബയൂണിറ്റിന്റെ നേത്യത്വത്തില്‍ കാളികാവ് ശ്രീപോര്‍ക്കല്ലി ഭഗവതി ക്ഷേത്രത്തില്‍ നിന്നും താലപ്പൊലിഘോഷയാത്ര പുറപ്പെടും. കലാവേദിയില്‍ 8 ന് ഭരതനാട്യം. 11 ന് വൈകിട്ട് 7 ന് വെമ്പളളിയില്‍ നിന്നും താലപ്പൊലിഘോഷയാത്ര, 8 ന് ന്യത്തസന്ധ്യ, 11.30 ന് പളളിവേട്ട പുറപ്പാട് , 12 ന് കാളികാവ് ദേവീക്ഷേത്രത്തില്‍ പളളിവേട്ട , 12.30 ന് പളളിവേട്ട എതിരേല്‍പ്പ്. 12 ന് ഉച്ചകഴിഞ്ഞ് 3 ന് ഇലയ്‌ക്കാട് നിന്നും കാളികാവ് എസ് എന്‍ ഡി പി ശാഖായോഗത്തിന്റെ നേത്യത്വത്തില്‍ കാവടിഘോഷയാത്ര, വൈകിട്ട് 6 ന് കാവടിഅഭിഷേകം, 7 ന് മഹാപ്രസാദമൂട്ട്, 8 ന് ആറാട്ട് പുറപ്പാട്, 11 ന് പഞ്ചവാദ്യത്തിന്റെ അകമ്പടിയോടെ ആറാട്ട് എതിരേല്‍പ്പ്.