എകരൂല്: പരപ്പില് ട്രാന്സ്ഫോര്മറിലെ ഇരൂപ്പായി ഭാഗത്തുള്ള ലൈനില് വൈദ്യുതി പ്രതിസന്ധി. ഒരു വര്ഷം മുമ്പ് ഫ്യൂസ് മാറ്റി സ്ഥാപിക്കാന് നാട്ടുകാര് നല്കിയ പരാതിയില് കെഎസ്ഇബി ഫ്യൂസ് വെക്കുന്നതിനു പകരം ഫ്യൂസിലേക്ക് എത്തുന്ന വയറുകള് തമ്മില് ഘടിപ്പിച്ച് താല്ക്കാലികമായി വൈദ്യുതി പുന:സ്ഥാപിച്ചു.
കഴിഞ്ഞ ദിവസങ്ങളില് വൈദ്യുതി ഇല്ലാത്തതിനെ തുടര്ന്ന് കെഎസ്ഇബിയില് അറിയിച്ചിട്ടും യാതൊരു പ്രതികരണവും ഇല്ലാത്തതിനെ തുടര്ന്ന് ലൈനില് നാട്ടുകാര് തന്നെ തിരച്ചില് നടത്തുകയും ഫ്യൂസിലേക്ക് എത്തുന്ന വയറുകള് തമ്മില് ഘടിപ്പിച്ച വയറുകള് വിട്ടുകിടക്കുന്നതായും കാണാന് സാധിച്ചു.
ഈ വിവരം കെഎസ്ഇബിയെ അറിയിച്ചിട്ട് രണ്ട് ദിവസമായെങ്കിലും ഇതുവരെ ഫ്യൂസ് മാറ്റുവാനോ വൈദ്യുതി പുനഃസ്ഥാപിക്കുന്നതിനോ കെഎസ്ഇബി ഒരു നടപടിയും സ്വീകരിച്ചിട്ടില്ല.
ആര്ക്കും എത് സമയവും അപകടം പറ്റുന്ന സാഹചര്യമാണ് ഈ ഫ്യൂസ് നില്ക്കുന്ന പോസ്റ്റിന്റെത്. കെഎസ്ഇബിയുടെ ഈ അനാസ്ഥക്കെതിരായി നാട്ടുകാര് പ്രതിഷേധം നടത്താന് തീരുമാനിച്ചു.
