പത്തനംതിട്ട: ആര്‍എസ്എസ് വടശ്ശേരിക്കര ഖണ്ഡ് സമ്പര്‍ക്ക പ്രമുഖ് ടി.ആര്.രമേശിനെ മര്‍ദ്ദിച്ച ഫോറസ്റ്റ് ഡെപ്യൂട്ടി റേഞ്ച് ഓഫീസറുടെ നടപടിയില്‍ പ്രതിഷേഘിച്ച് സംഘപരിവാര്‍ പ്രവര്‍ത്തകര്‍ പ്രകടനവും യോഗവും നടത്തി. ഇന്നലെ രാവിലെ ളാഹ ഫോറസ്റ്റ് ഓഫീസിന് സമീപമായിരുന്നു സംഭവം. വാഹനം റോഡില്‍ നിര്‍ത്തിയിട്ടു എന്നാരോപിച്ച് രമേശിനെ അകാരണമായി റേഞ്ച് ഓഫീസര്‍ ഷാജി മര്‍ദ്ദിക്കുകയും വാഹനത്തിന് മുമ്പില്‍ തള്ളിയിട്ട് കൊലപ്പെടുത്താന്‍ ശ്രമിക്കുകയുമായിരുന്നു. ഇതേ ഉദ്യോഗസ്ഥന്‍ മുമ്പ് അയ്യപ്പ ഭക്തന്മാരുമായി ഭക്ഷണം പാകം ചെയ്യുന്നതിനെച്ചൊല്ലി സംഘര്‍ഷം സൃഷ്ടിച്ചിരുന്നു.
പ്രതിഷേധധയോഗം കര്‍ഷകമോര്‍ച്ച ജില്ലാ ജന.സെക്രട്ടറി അനോജ് കുമാര്‍ ഉദ്ഘാടനം ചെയ്തു. ഖണ്ഡ് ബൗദ്ധിക് പ്രമുഖ് മനീഷ് പെരുനാട് സ്വാഗതവും ഖണ്ഡ് കാര്യവാഹ് സുബീഷ് ഗോപാല്‍ നന്ദിയും പറഞ്ഞു. ബിജെപി ന്യൂനപക്ഷമോര്‍ച്ച ജില്ലാ സെക്രട്ടറി ജോര്‍ജ്ജ്കുട്ടി, പഞ്ചായത്ത് സെക്രട്ടറി സതീഷ്‌കുമാര്‍, ബൂത്ത് പ്രസിഡന്റ് ശശി, സെക്രട്ടറി സുനില്‍ ളാഹ, മണ്ഡല്‍ കാര്യവാഹ് സതീഷ് കുമാര്‍, അനന്തു എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: