കൊച്ചി: കെപിഎംഎസ്സില് നിന്നും സാമ്പത്തിക ക്രമക്കേടുകളുടെ പേരില് പുറത്താക്കപ്പെട്ട പുന്നല ശ്രീകുമാറിനും സംഘത്തിനും കൊല്ലം കുര്യാട്ടുമലയില് അയ്യന്കാളി മെമ്മോറിയല് ആര്ട്സ് ആന്റ് സയന്സ് കോളേജ് അനുവദിച്ചിട്ടുണ്ടെന്ന് പറഞ്ഞ് കേരളത്തിലുടനീളം വ്യാപകമായ രീതിയില് പണപ്പിരിവ് നടത്തുകയാണെന്ന് കെപിഎംഎസ്സ് ജില്ലാ കമ്മറ്റി അംഗം എം.എ.വാസു പത്രസമ്മേളനത്തില് പറഞ്ഞു. 2015-16ലെ അധ്യയന വര്ഷം കേരള യൂണിവേഴ്സിറ്റി, എംജി യൂണിവേഴ്സിറ്റി, കാലിക്കറ്റ് യൂണിവേഴ്സിറ്റി എന്നീ സ്ഥാപനങ്ങളുടെ കീഴില് കോളേജ് അനുവദിച്ചിട്ടില്ല. വണ്ടിയൂര് മുന്സിഫ് കോടതിയുടെ ഉത്തരവ് പ്രകാരം പുന്നല ശ്രീകുമാറിനും സംഘത്തിനും കെപിഎംഎസ്സിന്റെ പേര്, പദവി, മുദ്ര, ലെറ്റര്പാഡ്, രസീത് എന്നിവ ഉപയോഗിക്കാനും പണപ്പിരിവ് നടത്തുവാനും അവകാശമില്ലെന്നും അദ്ദേഹം പറഞ്ഞു. പണപ്പിരിവിന്റെ മറവില് വ്യാപകമായി കള്ളപ്പണം വെളുപ്പിക്കുന്നുണ്ട്. ആയതിനാല് ആദായ നികുതി വകുപ്പ് അടിയന്തരമായി അന്വേഷണം നടത്തണമെന്നും അദ്ദേഹം പറഞ്ഞു.
അനധികൃത പണപ്പിരിവ് തടയണം: കേരള പുലയര് മഹാസഭ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.