കോട്ടയം: കേരളത്തില് മദ്യാസക്തിക്ക് കടിഞ്ഞാണിടാന് മദ്യത്തിന്റെ ലഭ്യത കുറയ്ക്കാനുള്ള നടപടികള് സര്ക്കാര് സ്വീകരിക്കണമെന്ന് ചങ്ങനാശ്ശേരി രൂപതാ മുന് ആര്ച്ച് ബിഷപ്പ് ജോസഫ് പവ്വത്തില് ആവശ്യപ്പെട്ടു.
കേരള സംയുക്ത ക്രൈസ്തവ മദ്യവര്ജനസമിതിയുടെ 55-ാം വാര്ഷിക സമ്മേളനത്തില് കെപിസിസി അദ്ധ്യക്ഷന് വി.എം.സുധീരന് ‘ധര്മ്മരത്ന’ പുരസ്കാരം സമര്പ്പിച്ച് സംസാരിക്കയായിരുന്നു അദ്ദേഹം. സിഎസ്ഐ റിട്രീറ്റ് സെന്ററില് നടന്ന യോഗത്തില് സമിതി പ്രസിഡന്റ് ബിഷപ്പ് തോമസ്.കെ.ഉമ്മന് അധ്യക്ഷത വഹിച്ചു. ഫിലിപ്പോസ് മാര് ക്രിസോസ്റ്റം മെത്രാപ്പോലീത്ത സമ്മേളനം ഉദ്ഘാടനം ചെയ്തു.
ആശാ മാസികയുടെ വിശേഷാല്പതിപ്പ് കുര്യാക്കോസ് സേവേറിയോസ് മെത്രാപ്പോലീത്ത പ്രകാശനം ചെയ്തു. ഡോ: സിറിയക് തോമസ് മുഖ്യപ്രഭാഷണവും, മാര് ജേക്കബ് മുരിക്കന് അനുഗ്രഹ പ്രഭാഷണവും നടത്തി. റ്റി.ജി.ശാമുവേലിന് ഫാ: കുര്യാക്കോസ് പാറയ്ക്കല് അവാര്ഡും ജോര്ജ്ജ് ഏബ്രഹാമിന് വെട്ടം തോമസ് അവാര്ഡും, ലാലിച്ചന് മറ്റത്തിലിന് ഫാ: ജോര്ജ് കോലത്ത് അവാര്ഡും, ബെസ്സിലി ഈപ്പന് എം.റ്റി. തര്യന് അവാര്ഡും നല്കി.
