കൊട്ടാരക്കര: മാര്ത്തോമ്മാ ഗേള്സ് ഹൈസ്ക്കൂളില് ആരംഭിച്ച കൊട്ടാരക്കര വിദ്യാഭ്യാസ ഉപജില്ലാ സ്കൂള് കലോല്സവം നഗരസഭാ ചെയര്പേഴ്സണ് ഗീതാസുധാകരന് ഭദ്രദീപം കൊളുത്തി ഉദ്ഘാടനം ചെയ്തു. നഗരസഭാ വൈസ്ചെയര്മാന് എ.ഷാജു അധ്യക്ഷത വഹിച്ചു. കൗണ്സിലര്മാരായ ജ്യോതിമറിയം ജോണ്, അഞ്ജു എ.എസ്, കോശി കെ.ജോണ്, എസ്.ആര്.രമേശ്, തോമസ് പി.മാത്യു, സൈനുലബ്ദ്ദീന് എന്, കൃഷ്ണന്കുട്ടിനായര്, അമ്പിളി, പവിജ പത്മന്, സൂസന് ചാക്കോ, ജില്ലാ വിദ്യാഭ്യാസ ഓഫീസര് ടി.ഷീല, ഡയറ്റ് പ്രിന്സിപ്പാള് പ്രീത രാജം, സ്കൂള് മാനേജര് സൂസമ്മ മാത്യു, ഉപജില്ലാ വിദ്യാഭ്യാസ ഓഫീസര് അനിത, ജനറല് കണ്വീനര് പി.സി.ബാബുക്കുട്ടി, എച്ച്എം ഫോറം കണ്വീനര് ജി.വേണുകുമാര്, വിമലാംബിക സ്കൂള് ഹെഡ്മിസ്ട്രസ് ബ്രിജിത്ത് പി.ജി, എം.റ്റി.എല്.പി.എസ്. ഹെഡ്മാസ്റ്റര് അച്ചന്കുഞ്ഞ് എല്, സ്വീകരണകമ്മിറ്റി കണ്വീനര് ബിനു ഒ. എന്നിവര് സംസാരിച്ചു. ഉദ്ഘാടനത്തിനു മുന്നോടിയായി വര്ണ്ണശബളമായ സാംസ്ക്കാരികഘോഷയാത്ര നടന്നു. നഗരസഭാ ചെയര്പേഴ്സണ് ഗീതാസുധാകരന് ഫഌഗ് ഓഫ് ചെയ്തു. പിടിഎ പ്രസിഡന്റ് എസ്.ശ്രീകുമാര്, ഹെഡ്മാസ്റ്റര് പി.സി.ബാബുക്കുട്ടി, ഉപജില്ലാ വിദ്യാഭ്യാസ ഓഫീസര് കെ.അനിത, കണ്വീനര് അലക്സ് ഏബ്രഹാം, സി. രഘുനാഥന്പിള്ള എന്നിവര് നേതൃത്വം നല്കി. പിടിഎ പ്രസിഡന്റ് എസ്.ശ്രീകുമാര് പതാക ഉയര്ത്തി. നാലുദിവസങ്ങളിലായി മാര്ത്തോമ്മാ ഗേള്സ് എച്ച്എസ്, വിമലാംബിക എല്പിഎസ്, എം.ടി.എല്.പി.എസ്. കിഴക്കേക്കര എന്നിവിടങ്ങളിലെ ആറ് വേദികളിലായി ആറായിരത്തോളം പ്രതിഭകള് മാറ്റുരയ്ക്കും. വെള്ളിയാഴ്ച മേളയ്ക്ക് തിരശ്ശീല വീഴും. സമാപനസമ്മേളനം ജില്ലാ പഞ്ചായത്ത് പ്രസിഡന്റ് കെ.ജഗദമ്മ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്റ് എസ്. ശശികുമാര് അദ്ധ്യക്ഷത വഹിക്കും. ഉപജില്ലാ വിദ്യാഭ്യാസ ഓഫീസര് കെ.അനിത സമ്മാനദാനം നിര്വ്വഹിക്കും.
കൊട്ടാരക്കര ഉപജില്ലാ സ്കൂള് കലോത്സവം തുടങ്ങി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.