ഇടുക്കി: കെഎസ്ആര്ടിസി ബസില് നിന്നും പതിവ് യാത്രക്കാരായ തോട്ടം തൊഴിലാളികളെ ബലം പ്രയോഗിച്ച് ഇറക്കിവിട്ട സംഭവം വിവാദമാകുന്നു. കഴിഞ്ഞ 13 ന് വള്ളക്കടവിലാണ് സംഭവം. വൈദ്യുതി മന്ത്രി എംഎം മണിക്ക് സ്വീകരണം ഒരുക്കിയിരുന്നതിനാല് ബസ് വഴിതിരിച്ച് വിടാനായാണ് സിപിഎം അനുഭാവികളല്ലാത്ത് തോട്ടം തൊഴിലാളികളെ ഇറക്കിവിട്ടത്. വള്ളക്കടവിലെ കടമാക്കുഴിയില് നിന്നും പതിവായി വൈകിട്ട് നാലിന് സര്വ്വീസ് നടത്തുന്ന വണ്ടിയില് കയറിയവര്ക്കാര്ക്ക് പെരുവഴിയില് ഇറങ്ങേണ്ടി വന്നത്.
അമ്പലക്കവല വഴി കട്ടപ്പനയ്ക്ക് വരുന്ന ബസില് കടമാംകുഴിയില് വച്ച് തോട്ടം തൊഴിലാളികള് അടക്കമുള്ള യാത്രക്കാരെ കയറ്റുന്ന സമയത്ത് സിപിഎമ്മിന്റെ വള്ളക്കടവിലെ പ്രാദേശിക നേതാവായ ഹരിയുടെ നേതൃത്വത്തില് ബസ് പാര്ട്ടിയുടെ പരിപാടിക്കുള്ള ആളുകളുമായി 20 ഏക്കര്വഴി കട്ടപ്പനയ്ക്ക് പോവുകയാണെന്നും പറഞ്ഞ് യാത്രക്കാരെ ബലമായി ബസില് നി
ന്നും ഇറക്കിവിടുകയായിരുന്നു. 3 തവണയാണ് ഇത്തരത്തില് യാത്രക്കാരെ ഇറക്കിവിട്ടത്. അവസാനവും ഇറങ്ങാതെ നിന്ന 8 പേരെ ബലം പ്രയോഗിച്ചാണ് ഇറക്കിവിട്ടത്. തോട്ടം മേഖലയിലെ ജോലിക്ക് ശേഷം വീട്ടിലെ മടങ്ങുന്നതിനായി 60 ഓളം തൊഴിലാളികള് പതിവായി ഈ ബസിനെയാണ് ആശ്രയിച്ചിരുന്നത്. ഇറക്കി വിട്ടതോടെ യാത്രക്കാര് പെരുവഴിയിലാകുകയായിരുന്നു. മാനേജ്മെന്റിന്റെ രാഷ്ട്രീയ പ്രീണനം മൂലം യാത്രക്കാര്ക്ക് ഉണ്ടായ ദുരിതത്തിന് കാരണക്കാരായ ജീവനക്കാര്ക്കെതിരെ നടപടി സ്വീകരിക്കണമെന്ന് ആവശ്യപ്പെട്ട് കെഎസ്റ്റി എംപ്ലോയീസ് സംഘ് കട്ടപ്പന യൂണിറ്റ് ഓഫീസര്ക്ക് പരാതി നല്കിയിട്ടുണ്ട്. അതികാരത്തിന്റെ തണലില് സാധാരണക്കാരായ യാത്രക്കാരുടെ മേലുള്ള സിപിഎമ്മിന്റെ കടന്ന് കയറ്റം വന്തോതില് പ്രതിഷേധങ്ങള്ക്ക് കാരണമാകുന്നുണ്ട്.
