പന്തളം: ഹിന്ദു ഐക്യവേദി സംസ്ഥാന അദ്ധ്യക്ഷ കെ.പി. ശശികല ടീച്ചര്‍ക്കെതിരെ ജാമ്യമില്ലാ വകുപ്പുകള്‍ ചുമത്തി കേസെടുക്കതിനെതിരേ പന്തളത്ത് സംഘ പരിവാര്‍ സംഘടനകള്‍ പ്രതിഷേധ പ്രകടനവും യോഗവും നടത്തി.
യോഗം ആര്‍എസ്എസ് പത്തനംതിട്ട ജില്ലാ കാര്യകാര്യ സദസ്യന്‍ കെ.സി. വിജയന്‍ ഉദ്ഘാടനം ചെയ്തു. ബിഎംഎസ് ജില്ലാ വൈസ് പ്രസിഡന്റ് കെ.സി. മണിക്കുട്ടന്‍, ബിജെപി അടൂര്‍ മണ്ഡലം വൈസ് പ്രസിഡന്റ് എം.ബി. ബിനുകുമാര്‍ എന്നിവര്‍ സംസാരിച്ചു.
യോഗത്തിനു മുന്നോടിയായി പന്തളം എന്‍എസ്എസ് മെഡിക്കല്‍ മിഷന്‍ ജംഗ്ഷനില്‍ നിന്നുമാരംഭിച്ച പ്രകടനം പന്തളം നഗരം ചുറ്റി കുറുന്തോട്ടയം കവലയില്‍ സമാപിച്ചു.
ആര്‍എസ്എസ് താലൂക്ക് ശാരീരിക് പ്രമുഖ് മധു, യുവമോര്‍ച്ച ആറന്മുള മണ്ഡലം ജന. സെക്രട്ടറി ശ്രീജിത്ത്, ഹിന്ദു ഐക്യവേദി പന്തളം നഗരസഭാ കമ്മിറ്റി പ്രസിഡന്റ് ജയദേവന്‍, ബിഎംഎസ് നഗരസഭാ കമ്മിറ്റി ജന. സെക്രട്ടറി എം.ബി. ബിജുകുമാര്‍, ബിജെപി നഗരസഭാ കമ്മിറ്റി പ്രസിഡന്റ് സുഭാഷ് കുമാര്‍, അരുണ്‍ കടയ്‌ക്കാട്, ഗോപു, നഗരസഭാ കൗണ്‍സിലര്‍മാരായ കെ.വി. പ്രഭ, സുമേഷ് കുമാര്‍, സുധാ ശശി, ശ്രീലേഖ, ശ്രീലത, സീന, ധന്യാ ഉദയചന്ദ്രന്‍ എന്നിവര്‍ പ്രകടനത്തിനു നേതൃത്വം നല്കി.
പ്രതികരിക്കാൻ ഇവിടെ എഴുതുക: