കേരളത്തില് മതമൗലിക വാദികള് ഭീകര പ്രവര്ത്തനങ്ങള് നടത്തുന്നുണ്ട്, കേന്ദ്രത്തിലെ കോണ്ഗ്രസ് സര്ക്കാര് അധികാരത്തിലുള്ളപ്പോള് തന്നെ കേരളത്തിലെ കോണ്ഗ്രസ് സര്ക്കാരിന് മുന്നറിയിപ്പ് നല്കിയിരുന്നു. എന്നാല് കേരളത്തില് അങ്ങനെയൊരു പ്രവര്ത്തനവും നടക്കുന്നില്ലെന്നും അതില് ആശങ്കവേണ്ടെന്നും ആയിരുന്ന കേരള സര്ക്കാര് കേന്ദ്രത്തെ അറിയിച്ചത്.
കോണ്ഗ്രസ് സര്ക്കാരിന് അങ്ങനയെ ചെയ്യാന് സാധിക്കുകയുള്ളൂ. കാരണം പ്രസ്തുത ഭീകരവാദി സംഘടനകളെ പരോക്ഷമായി നയിക്കുകയും താങ്ങായി പ്രവര്ത്തിക്കുകയും ചെയ്യുന്ന പാര്ട്ടിയുടെ സഹായത്തോടുകൂടി മാത്രമാണല്ലോ കോണ്ഗ്രസ് കേരളത്തില് അധികാരത്തിലിരിക്കുന്നതും അതുമൂലമുള്ള സാമ്പത്തികവും മറ്റുമായുള്ള സുഖങ്ങള് അനുഭവിക്കുന്നതും. പ്രതിപക്ഷത്തായിരുന്നെങ്കിലും കമ്മ്യൂണിസ്റ്റുകളുടെ നിലപാട് വ്യത്യസ്തമായിരുന്നില്ല.
ഫലം രാജ്യദ്രോഹികള് മുട്ടില്ലാതെ വിദ്ധ്വംസക പ്രവര്ത്തികള് തുടര്ന്ന് വരുന്നു. കേരളത്തില് എസ്ഡിപിഐ, എന്ഡിഎഫ്, പോപ്പുലര് ഫ്രണ്ട്, വെല്ഫെയര് പാര്ട്ടി മുതലായ പാര്ട്ടികള് സര്വ്വ തന്ത്ര സ്വാതന്ത്ര്യത്തോടെ ആയുധാഭ്യാസവും കായികാഭ്യാസവും പരേഡുകളും നടത്തിവരുന്നുണ്ടെങ്കിലും ഇവിടുത്തെ പോലീസ്, ഇന്റലിജന്സ് വിഭാഗത്തിന് സംഗതിയറിയാമെങ്കിലും ഭരണാധികാരികളുടെ സമ്മര്ദ്ദത്താല് അവര് നിഷ്ക്രിയരാണ്. വാഗമണ്ണും, കനകമലയും ഉദാഹരണങ്ങള് മാത്രം.
സക്കീര് ഹുസൈനിന്റെ പീസ് ഇന്റര്നാഷണലിന്റെ വിദ്യാലയങ്ങള് വിധ്വംസക പ്രവര്ത്തനങ്ങള് അഭ്യസിപ്പിക്കുന്ന കേന്ദ്രമാണെന്നത് പരസ്യമായ കാര്യമാണ്. എന്നിട്ടും ഇടത് സര്ക്കാര് യാതൊരു ഇടപെടലും നടത്തുന്നില്ല എന്നതും ഇത്തരക്കാരുടെ സ്വാധീനം എത്രമാത്രമാണെന്ന് കണ്ട് നമ്മെ അത്ഭുതപ്പെടുത്തുന്നു. ഇത്തരത്തിലള്ള ഓരോ പാര്ട്ടികള്ക്കും സ്വന്തമായുള്ള വര്ത്തമാന പത്രങ്ങള്ക്ക് അവര്ക്ക് സര്ക്കാരിന്റെ പരസ്യങ്ങള് ലഭിക്കുന്നുണ്ട്. ചെയ്യുന്നു. ഇക്കാര്യങ്ങളൊക്കെ അന്വേഷിക്കേണ്ട ഉദ്യോഗസ്ഥന്മാരെ കൂട്ടിലടച്ച പക്ഷികളാക്കിയിരിക്കുകയാണ്. പൊതുജനം ഉണര്ന്ന് പ്രവര്ത്തിക്കേണ്ടുന്ന അവസരം വൈകി.
കെ.വി.കെ.മാരാര്, തോട്ടട.
