കോഴിക്കോട്: കേരളത്തിലെ ഹോട്ടല്, ഷോപ്പ് തൊഴിലാളികള്ക്ക് നിയമപ്രകാരമുള്ള പരിരക്ഷ ഉറപ്പു വരുത്തണമെന്ന് ബിഎംഎസ് സംസ്ഥാന വൈസ് പ്രസിഡന്റ് വി. രാധാകൃഷ്ണന് ആവശ്യപ്പെട്ടു. വാണിജ്യ വ്യവസായ മസ്ദൂര് സംഘം കോഴിക്കോട് ജില്ലാ പ്രവര്ത്തക സമിതി യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഷോപ്പുകള്, ഹോട്ടലുകള് എന്നിവിടങ്ങളിലെ തൊഴിലാളികള്ക്ക് കേന്ദ്ര സര്ക്കാര് നടപ്പിലാക്കുന്ന ജോലി സുരക്ഷയോ മറ്റു ആനുകൂല്യങ്ങളോ ലഭിക്കുന്നില്ല. ഇത്തരം സ്ഥാപനങ്ങളില് ജോലി ചെയ്യുന്ന തൊഴിലാളികളില് മിക്കവര്ക്കും പിഎഫ്, ഇഎസ്ഐ ക്ഷേമ നിധി എന്നിവയും ബോണസ് പരിധി 3500 ല് നിന്നും 7000 രൂപയായി കേന്ദ്ര സര്ക്കാര് വര്ദ്ധിപ്പിച്ചപ്പോള് ഈ രീതിയില് ബോണസ് നല്കാന് പല സ്ഥാപന ഉടമകളും തയ്യാറായിട്ടില്ല. തൊഴിലാളികള്ക്ക് നിയമപരമായി ലഭിക്കേണ്ടതായ ലീവ്, ജോലി സമയം എട്ടു മണിക്കൂര് ആയി നിജപ്പെടുത്തുക തുടങ്ങിയവ മിക്ക സ്ഥാപനങ്ങളിലും പാലിക്കപ്പെടുന്നില്ല. ആനുകൂല്യങ്ങള് നേടിയെടുക്കുന്നതിനു വേണ്ടിയുള്ള സമരങ്ങള്ക്ക് വാണിജ്യ വ്യവസായ മസ്ദൂര്സംഘം നേതൃത്വം നല്കണമെന്നും അദ്ദേഹം കൂട്ടിച്ചേര്ത്തു. ബിഎംഎസ് ജില്ലാ സെക്രട്ടറി ഒ.കെ. ധര്മ്മരാജ്, യൂണിയന് ജനറല് സെക്രട്ടറി കെ. ശ്രീകുമാര്, ധന്യാ മോഹനന്, ജോയിന്റ് സെക്രട്ടറി സ്വരൂപ്, പി. ചെക്കോട്ടി എന്നിവര് സംസാരിച്ചു.
ഹോട്ടല് തൊഴിലാളികള്ക്ക് നിയമപരിരക്ഷ ഉറപ്പുവരുത്തണം: ബിഎംഎസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.