കോട്ടയം: കേരളത്തില് ഇടതുപക്ഷ സര്ക്കാര് അധികാരത്തില് വന്നതിന്ശേഷം സംസ്ഥാനത്തിന്റെ വിവിധ ഭാഗങ്ങളില് ആക്രമണ പരമ്പരയാണെന്നും വിവിധ വകുപ്പുകള് കൈകാര്യം ചെയ്യുന്ന മന്ത്രിമാര് സ്വന്തം ബന്ധുജനങ്ങളെ നിയമിക്കുന്നത് പരിഹാസപരമാണെന്നും ബിജെപി മദ്ധ്യമേഖലാ പ്രസിഡന്റ്അഡ്വ.എന്.കെ.നാരായണന് നമ്പൂതിരി കുറ്റപ്പെടുത്തി. ബിജെപി കോട്ടയം ജില്ലാ കമ്മിറ്റി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കോട്ടയം മെഡിക്കല് കോളേജ് ഹോസ്പിറ്റലിന്റെ ശോചനീയാവസ്ഥയ്ക്കെതിരെയും ജില്ലയിലെ വിവധ പ്രദേശങ്ങളിലെ പാരിസ്ഥിതിക പ്രശ്നങ്ങളെക്കുറിച്ചും മെത്രാന്കായല് പൂര്ണ്ണമായും പൊതുജനപ്രദമാക്കണമെന്ന് ആവശ്യപ്പെട്ടുകൊണ്ടുള്ള പ്രമേയങ്ങളും ജില്ലയിലെ കമ്മിറ്റിയില് അവതരിപ്പിച്ചു. ഇത്തരം പ്രമേയങ്ങള് വേണ്ട വകുപ്പുകള് എത്രയും പെട്ടെന്ന് തുടര്നടപടി സ്വീകരിക്കണമെന്നും ജില്ലാ കമ്മിറ്റി പ്രമേയത്തിലൂടെ ആവശ്യപ്പെട്ടു. ബിജെപി കോട്ടയം ജില്ലാ പ്രസിഡന്റ് എന്.ഹരി അദ്ധ്യക്ഷത വഹിച്ച യോഗത്തില് സംസ്ഥന സംഘടനാ സെക്രട്ടറി എം.ഗണേഷ്, സംസ്ഥാന സമിതിയംഗങ്ങളായ പ്രൊഫ.ബി.വിജയകുമാര്, എം.ബി.രാജഗോപാല്, അഡ്വ.നോബിള് മാത്യു, എന്.പി.കൃഷ്ണകുമാര്, ജില്ലാ ജന.സെക്രട്ടറിമാരായ കെ.പി.സുരേഷ്, ലിജിന്ലാല്, കര്ഷക മോര്ച്ച സംസ്ഥാന പ്രസിഡന്റ് പി.ആര്.മുരളീധരന് എന്നിവര് സംസാരിച്ചു.
കേരളത്തില് ഇടതുപക്ഷ സര്ക്കാരിന്റെ ആക്രമണ പരമ്പര: ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.