ബെംഗളൂരു: ലോക ആയുര്‍വേദ കോണ്‍ഗ്രസിനോടനുബന്ധിച്ച് മൊബൈല്‍ ആന്‍ഡ്രോയിഡ് ആപ് പുറത്തിറക്കി. ആപ്പിള്‍ സ്റ്റോര്‍, ഗൂഗിള്‍ പ്ലേസ്റ്റോര്‍ എന്നിവയില്‍ നിന്ന് ഡൗണ്‍ലോഡ് ചെയ്യാം.
ഡിസംബര്‍ ഒന്നു മുതല്‍ 4 വരെ കൊല്‍ക്കത്ത സയന്‍സ് സിറ്റിയിലാണ് ലോക ആയുര്‍വേദ കോണ്‍ഗ്രസും ആരോഗ്യ പ്രദര്‍ശനവും നടക്കുക. ആയുര്‍വേദ പരിസ്ഥിതിയെ ശക്തിപ്പെടുത്തുകയെന്നതാണ് കോണ്‍ഗ്രസിന്റെ ലക്ഷ്യം. കേന്ദ്ര ആയുഷ് മന്ത്രാലയത്തിന്റെ സഹകരണത്തോടെ ലോക ആയുര്‍വേദ ഫൗണ്ടേഷനാണ് സംഘാടകര്‍. പുറമെ വിവിധ അര്‍ധസര്‍ക്കാര്‍ സ്ഥാപനങ്ങള്‍, ഒട്ടേറെ കേന്ദ്രമന്ത്രാലയങ്ങള്‍ തുടങ്ങിയവയുടെ പങ്കാളിത്തവുമുണ്ട്.
ആയുര്‍വേദ കോണ്‍ഗ്രസിന് മുന്നോടിയായുള്ള ആറാമത് അന്താരാഷ്‌ട്ര ഡെലിഗേറ്റ്‌സ് അസംബ്ലി നവംബര്‍ 30, ഡിസംബര്‍ 1 തീയതികളില്‍ കൊല്‍ക്കത്തയില്‍ നടക്കും.
പ്രതികരിക്കാൻ ഇവിടെ എഴുതുക: