പത്തനംതിട്ട : ഓള്‍ കേരളാ പ്രൈവറ്റ് ബാങ്കേഴ്‌സ് അസോസിയേഷന്‍ 58-ാംമത് സംസ്ഥാന സമ്മേളനം കോട്ടയം സുമംഗലി ഓഡിറ്റോറിയത്തില്‍ ഞായറാഴ്ച രാവിലെ 8 മുതല്‍ 3 വരെ നടക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. രാവിലെ 9.30 ന് ബിസിനസ്സ് മീറ്റിംഗ് ആരംഭിക്കും. സമ്മേളനത്തിന്റെയും സ്‌നേഹവീട് പദ്ധതിയുടെയും ഉദ്ഘാടനം ധനമന്ത്രി ഡോ.തോമസ് ഐസക് നിര്‍വഹിക്കും. മുന്‍മന്ത്രി തിരുവഞ്ചൂര്‍ രാധാകൃഷ്ണന്‍ അദ്ധ്യക്ഷത വഹിക്കും. സംസ്ഥാന പ്രസിഡന്റ് ജോസഫ് ചോതിരക്കുന്നേല്‍ രചിച്ച പുസ്തകത്തിന്റെ പ്രകാശനം റവന്യു വകുപ്പ് മന്ത്രി ഇ. ചന്ദ്രശേഖരന്‍ നിര്‍വഹിക്കും. എംപിമാരായ ആന്റോ ആന്റണി, ജോസ് കെ.മാണി, ജോയ്‌സ് ജോര്‍ജ്, എംഎല്‍എമാരായ സുരേഷ്‌കുറുപ്പ്, രാജു ഏബ്രഹാം, റോഷി അഗസ്റ്റിന്‍, ബിജിമോള്‍, കോവൂര്‍ കുഞ്ഞുമോന്‍, ചിറ്റയം ഗോപകുമാര്‍, പ്രൊഫ. എന്‍.ജയരാജ്, മഹാത്മഗാന്ധി യൂണിവേഴ്‌സിറ്റി മുന്‍ വൈസ് ചാന്‍സിലര്‍ ഡോ.സിറിയക് തോമസ്, കോട്ടയം ജില്ലാ പഞ്ചായത്ത് പ്രസിഡന്റ്് ജോഷി ഫിലിപ്പ്, കോട്ടയം മുന്‍സിപ്പല്‍ ചെയര്‍പേഴ്‌സണ്‍ ഡോ.സോന പി.ആര്‍, കോട്ടയം ഡിസിസി പ്രസിഡന്റ്് ടോമി കല്ലാനി എന്നിവര്‍ പങ്കെടുക്കും.
Tuesday, November 26, 2024
ഓള്‍ കേരള പ്രൈവറ്റ് ബാങ്കേഴ്‌സ് അസോസിയേഷന്‍ സംസ്ഥാന സമ്മേളനം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: