പത്തനംതിട്ട : തായ്‌ലന്റിലെ ബാങ്കോക്കില്‍ നടന്ന ഇന്റര്‍നാഷണല്‍ ഓപ്പണ്‍ ഫെന്‍സിങ്ങ് ചാമ്പ്യന്‍ഷിപ്പില്‍ പത്തനംതിട്ട സ്വദേശിനി അഖില അനില്‍ വെങ്കലം നേടി. തലശ്ശേരി സായി സെന്ററില്‍ പരിശീലിക്കുന്ന അഖില എംകോം ഒന്നാം വര്‍ഷ വിദ്യാര്‍ഥിനിയാണ്. മുന്‍പ് ദക്ഷിണാഫ്രിക്കയില്‍ നടന്ന കോമണ്‍വെല്‍ത്ത് ഫെന്‍സിങ്ങ് ചാമ്പ്യന്‍ഷിപ്പില്‍ വെങ്കലമെഡല്‍ നേടിയിരുന്നു. നിരവധി ദേശീയ, സംസ്ഥാന മത്സരങ്ങളില്‍ മെഡല്‍ നേടിയിട്ടുണ്ട്. ഗ്വാളിയറില്‍ നടന്ന ദേശീയ ജൂനിയര്‍ ഫെന്‍സിങ്ങ് ചാമ്പ്യന്‍ഷിപ്പിലും മെഡല്‍ നേടിയിരുന്നു.
പത്തനംതിട്ട നഗരസഭാ മുന്‍ കൗണ്‍സിലറായ വെട്ടിപ്രം രാമമംഗലംവീട്ടില്‍ കെ അനില്‍കുമാറിന്റെയും അനിലയുടെയും മകളാണ്. അമ്മ അനില പത്തനംതിട്ട കോപ്പറേറ്റീവ് കോളേജ് അധ്യാപികയാണ്. സഹോദരന്‍ അഖില്‍ അനില്‍ എറണാകുളം സേക്രഡ് ഹാര്‍ട്ട് സ്‌കൂളിലെ പ്ലസ്ടു വിദ്യാര്‍ഥിയാണ്.
പ്രതികരിക്കാൻ ഇവിടെ എഴുതുക: