മലപ്പുറം: പട്ടിക ജാതി/പട്ടിക വിഭാഗത്തെ ഇത്രയും കാലം ഇരു മുന്നണികളും വഞ്ചിക്കുകയായിരുന്നുവെന്ന് പട്ടിക ജാതി/പട്ടിക വര്‍ഗ്ഗ മോര്‍ച്ച സംസ്ഥാന വൈസ് പ്രസിഡന്റ് ബി.കെ.പ്രേമന്‍ പറഞ്ഞു. പട്ടിക ജാതി/പട്ടിക വര്‍ഗ്ഗ മോര്‍ച്ച നടത്തിയ അയ്യങ്കാളി ജയന്തി മലപ്പുറത്ത് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ദളിത് വിഭാഗങ്ങളുടെ അവകാശങ്ങള്‍ക്കായി നിരവധി പോരാട്ടങ്ങള്‍ക്ക് നേതൃത്വം നല്‍കിയ മഹാത്മാ അയ്യങ്കാളിയെ ഇരുമുന്നണികളും കണ്ടില്ലെന്ന് നടിച്ചു. അയ്യങ്കാളി നാടിനു വേണ്ടി നല്‍കിയ സേവനങ്ങളും പോരാട്ടങ്ങളും മാനിച്ച് ഉചിതമായ ഒരു സ്മാരകം പോലും നിര്‍മ്മിക്കുവാന്‍ തയ്യാറായില്ല എന്ന സത്യം ദളിത് വിഭാഗം മനസ്സിലാക്കിയിരിക്കുന്നു. എന്നാല്‍ ഇന്ന് നരേന്ദ്രമോദി സര്‍ക്കാര്‍ അയ്യങ്കാളിയുടെ സേവനങ്ങളും പോരാട്ടങ്ങളും ആത്മാര്‍ത്ഥമായി കാണുകയും ഉചിതമായ നടപടികള്‍ സ്വീകരിച്ച് വരികയും ചെയ്യുന്നു. ഇത് ദളിത് വിഭാഗങ്ങള്‍ക്ക് പ്രതീക്ഷക്ക് ഇടം നല്‍കുന്നുവെന്നും അദ്ദേഹം പറഞ്ഞു. യോഗത്തില്‍ മോര്‍ച്ച ജില്ലാ പ്രസിഡന്റ് സി.പി.അറമുഖന്‍ അദ്ധ്യക്ഷത വഹിച്ചു. ബിജെപി ജില്ലാ വൈസ് പ്രസിഡന്റ് അഡ്വ:എന്‍.ശ്രീപ്രകാശ്, മോര്‍ച്ച ജില്ലാ ജനറല്‍ സെക്രട്ടറി കെ.സി.ശങ്കരന്‍, ജില്ലാ ട്രഷറര്‍ എം.സുഭാഷ് എന്നിവര്‍ സംസാരിച്ചു.
Tuesday, November 26, 2024
പിന്നോക്കക്കാരെ ഇരു മുന്നണികളും വഞ്ചിച്ചു; ഒബിസി മോര്‍ച്ച
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: