ആറന്മുള: പമ്പാനദിയെ സംരക്ഷിക്കണമെന്ന സന്ദേശവുമായി മത്സ്യത്തിന്റെ രൂപത്തില്‍ ഇറക്കിയ ചെറുവള്ളം ശ്രദ്ധേയമായി. സേവ് പമ്പ, സേവ് ലൈഫ് എന്ന വാചകം വള്ളത്തിന്റെ ഇരുവശത്തും പതിപ്പിച്ചാണ് രണ്ട് യുവാക്കള്‍ മത്സര വള്ളംകളിയുടെ ഇടവേളകളില്‍ ഓളപ്പരപ്പിലൂടെ നിങ്ങിയത്. വലിയ മത്സ്യത്തിന്റെ രൂപത്തിലാണ് ചെറുവള്ളം ഒരുക്കിയിരുന്നത്.
വിവിധ കലാരൂപങ്ങളും വേഷ വിധാനങ്ങളും അടങ്ങിയ വഞ്ചികളും ആഘോഷത്തിന് കൊഴുപ്പേകി. ഹെലികോപ്റ്ററിന്റെ മാതൃകയില്‍ നിര്‍മ്മിച്ച വള്ളമായിരുന്നു മറ്റൊരു പ്രത്യേകത. സ്പീഡ് ബോട്ടുകളില്‍ കറങ്ങുന്ന സംഘങ്ങളും സജീവമായിരുന്നു. നിയന്ത്രണം ഏര്‍പ്പെടുത്തുന്ന പോലീസിന്റെ കണ്ണുവെട്ടിച്ചാണ് പലപ്പോഴും ഇത്തരം ചെറുവള്ളങ്ങള്‍ കാണികളെ രസിപ്പിക്കാനെത്തിയത്. ഫിനിഷിംങ് പൊയിന്റിന് സമീപം മത്സര വള്ളംകളിയുടെ ആവേശം ഉള്‍ക്കൊണ്ട് ആര്‍പ്പുവിളിയോടെ നദിയിലേക്കിറങ്ങിയ ആളുകളെ നിയന്ത്രിക്കാന്‍ പോലീസ് പാടുപെട്ടു.
പ്രതികരിക്കാൻ ഇവിടെ എഴുതുക: