തൊടുപുഴ: കേരള ജനതയുടെ അറിവില്ലായ്മയാണ് വൃദ്ധസദനങ്ങള് കൂടുന്നതിന് കാരണമെന്ന് അന്തര്ദേശീയ മഹാഗണപതി സത്രത്തിന്റെ ചെയര്പേഴ്സണ് ഡോ. ജെ. പ്രമീളാദേവി. ലോകംചുറ്റുന്നതിനുള്ള പന്തയത്തില് മാതാപിതാക്കളായ ശിവനേയും പാര്വതിയേയും വലംവച്ച് വിജയിച്ച ഗണപതി ഭഗവാനെ ഇത്തരക്കാര് ഓര്ക്കണമെന്ന് ഡോക്ടര് പറഞ്ഞു.
ഇന്നലെ വൈകുന്നേരം തൊടുപുഴ മുതലയാര്മഠത്ത് നടന്ന ആറാമത് അന്തര്ദേശീയ മഹാഗണപതി സത്രത്തിന്റെ വിദ്യാര്ത്ഥി യുവജന സംഗമം ഉദ്ഘാടനം ചെയ്ത് സംസാരിക്കുകയായിരുന്നു ഇവര്. വീടുകളുടെ മൂലയില് വാര്ദ്ധക്യം ചെന്നവര് ഒതുങ്ങി കഴിയേണ്ട ഗതികേടിലാണ്. മാതാപിതാക്കളെ ബഹുമാനിക്കാനും സ്നേഹിക്കാനും ഇന്ന് മക്കള്ക്ക് കഴിയാതെ പോകുകയാണ്. മഹാഗണപതിക്ക് അമ്പത്തൊന്ന് വിശ്വരൂപമുണ്ടെന്നും, മഹാഅറിവിന്റെ ജ്ഞാനി എന്നുള്ളതില് നിന്നുമാണ് മലയാളത്തിലെ അമ്പത്തൊന്ന് അക്ഷരങ്ങള് ഉത്ഭവിച്ചതെന്നും ഡോക്ടര് പറഞ്ഞു. ്ര
പശസ്ത വാഗ്മിയും വിന് വേള്ഡ് ഫൗണ്ടേഷന് ചെയര്മാനുമായ അഡ്വ. എസ് ജയസൂര്യന് മുഖ്യ പ്രഭാഷണം നടത്തി. പ്രൊഫ. പി. ജി. ഹരിദാസ്, സത്രം ചെയര്മാന് കെ. വിജയന്, പി.കെ രാമചന്ദ്രന് പിള്ള, റ്റി. എസ് രാജന് എന്നിവര് സംസാരിച്ചു.
