കോട്ടയം: ഈരാറ്റുപേട്ട പത്തായപ്പടി മുന് സിപിഎം ബ്രാഞ്ച് സെക്രട്ടറി നസീറനെ സിപിഎം പ്രവര്ത്തകര് കൊലചെയ്ത കേസ്സില് സിപിഎം നേതാക്കള് നീതികാട്ടിയില്ലെന്ന് ബന്ധുക്കള്. നസീറിന്റെ പുത്രന് മുഹമ്മദ് ഹുസൈന്, സഹോദരന് മുഹമ്മദ് എന്നിവര് കോട്ടയത്ത് നടത്തിയ വാര്ത്താസമ്മേളനത്തിലാണ് ഇക്കാര്യം വ്യക്തമാക്കിയത്.
കോടിയേരി ബാലകൃഷ്ണന് അടക്കമുള്ളവര്ക്ക് പരാതി നല്കിയെങ്കിലും ഫലമുണ്ടായില്ലെന്ന് സിഐടിയു ഓട്ടോ തൊഴിലാളി യൂണിയന്റെ ഭാരവാഹി കൂടിയായ മുഹമ്മദ് ഹുസൈന് പറഞ്ഞു.
പാര്ട്ടിനേതാക്കളുടെ അഴിമതിക്കെതിരെ നേതൃത്വത്തിന് പരാതി നല്കിയതിന്റെ വൈരാഗ്യത്തിലാണ് സിപിഎം നേതാക്കള് നസീറിനെ ക്രൂരമായി മര്ദ്ദിച്ചത്. പൂഞ്ഞാര് നിയമസഭാ തെരഞ്ഞെടുപ്പില് പി.സി. ജോര്ജ്ജിനെ സഹായിക്കുന്ന നിലപാടാണ് ഒരുവിഭാഗം സിപിഎം നേതാക്കള് സ്വീകരിച്ചത്. ഇതിനെ സംബന്ധിച്ചും പരാതിയല് പരാമര്ശിച്ചിരുന്നു. കയ്യേറ്റഭൂമിയില് കുത്തിയ പാര്ട്ടിപതാക കാശുവാങ്ങി ഊരിയെടുത്ത സംഭവത്തെ സംഭന്ധിച്ച രേഖകള് സിഡിയില് പകര്ത്താനായി ഡിടിപി സെന്റില് എത്തിയപ്പോഴാണ് നസീറിനെ അക്രമിച്ചത്.
മര്ദ്ദനമേറ്റ നസീറിനെ ഈരാറ്റുപേട്ടയിലെ സ്വകാര്യ ആശുപത്രിയിലാണ് ആദ്യം പ്രവേശിപ്പിച്ചത്. ഇവിടെനിന്നും നിര്ബ്ബന്ധിതമായി ഡിസ്ചാര്ജ്ജ് ചെയ്യിക്കാന് ആശുപത്രി അധികൃതര്ക്കുമേല് നേതാക്കള് സമ്മര്ദ്ദം ചെലുത്തിയിരുന്നു. ഗുരുതരാവസ്ഥയില് കോട്ടയം മെഡിക്കല് കോളേജില് ചികിത്സയിലിരിക്കെയും പാര്ട്ടി നേതാക്കളുടെ ഇടപെടലുകള് ഉണ്ടായി. മുഖ്യമന്ത്രി പിണറായി വിജയനെയും പാര്ട്ടി സംസ്ഥാനസെക്രട്ടറി കോടിയേരി ബാലകൃഷ്ണനെയും എകെജി സെന്ററില് നേരിട്ടെത്തി പരാതി അറിയിച്ചിരുന്നു. എന്നാല് ഇവരുടെ ഭാഗത്തുനിന്നും യാതൊരു നടപടികളും ഉണ്ടായില്ല. പോലീസിനെ ഉപയോഗിച്ച് കേസ്സ് ഒതുക്കി തീര്ക്കാനുള്ള ശ്രമമാണ് ഉണ്ടായത്.
അക്രമത്തിന് സാക്ഷിയായ ഡിടിപി സെന്റര് ഉടമയെ പോലീസ് സ്റ്റേഷനില് വിളിച്ചുവരുത്തി ഭീഷണിപ്പെടുത്തിയത് നേരില് കേള്ക്കാന് ഇടയായെന്നും ബന്ധുക്കള് പറഞ്ഞു. പാര്ട്ടിനേതൃത്വത്തിന്റെ ഭരണകൂടത്തിന്റെയും ഭാഗത്തുനിന്നും നീതി ലഭിക്കില്ലെന്ന് ഉറപ്പായ സമയത്താണ് കൊടിയുടെ നിറം നോക്കാതെ ബിജെപിയോട് ഒപ്പംചേര്ന്ന് നീതിക്കുവേണ്ടി പൊരുതാന് തയ്യാറായതെന്നും അവര് പറഞ്ഞു. വാര്ത്താ സമ്മേളനത്തില് ബിജെപി ജില്ലാപ്രസിഡന്റ് എന്.ഹരി, ജനറല്സെക്രട്ടറി കെ.പി. സുരേഷ്, പൂഞ്ഞാര് നിയോജകമണ്ഡലം പ്രസിഡന്റ് വി.സി. അജിത്, ജില്ലാ കമ്മറ്റി അംഗം കെ.പി. സനല്കുമാര്, തീക്കോയി പഞ്ചായത്ത് കമ്മറ്റി പ്രസിഡന്റ് ഏബ്രഹാം എന്നിവരും പങ്കെടുത്തു.
