മണര്കാട്: തിരുവഞ്ചൂര് നാലുമണിക്കാറ്റിനു സമീപത്തു നിന്നും ആരംഭിച്ച് കോട്ടമുറി വഴി പാലമുറിയില് അവസാനിക്കുന്ന റോഡ് തകര്ന്ന് ഗതാഗതയോഗ്യമല്ലാതാതില് പ്രതിഷേധിച്ച് ബിജെപി പ്രവര്ത്തകര് പായിപ്രപ്പടിയില് ബൈപ്പാസ് ജംഗ്ഷനില് റോഡ് ഉപരോധിച്ചു. ഉപരോധ സമരം ബിജെപി ജില്ലാ പ്രസിഡന്റ് എന് ഹരി ഉദ്ഘാടനം ചെയ്തു. ആഗോള മരിയന് തീര്ത്ഥാടന കേന്ദ്രമായ മണര്കാട് പള്ളിയിലെ എട്ടുനോമ്പുപെരുനാള് തുടങ്ങാന് ദിവസങ്ങള് മാത്രം ബാക്കി നില്ക്കെ റോഡിന്റെ ശോച്യാവസ്ഥ പരിഹരിക്കാന് സര്ക്കാര് തയ്യാറായില്ലെങ്കില് ശക്തമായ സമരപരിപാടികളുമായി ബിജെപി മുന്നോട്ട് പോകുമെന്ന് ഹരി പറഞ്ഞു. തിരുവഞ്ചൂരില് നിന്നും മണര്കാട് വഴി കോട്ടയത്തേക്ക് പോകുന്ന സ്വകാര്യ ബസുകളും കെഎസ്ആര്ടിസി ബസുകളും സര്വ്വീസ് നടത്തുന്നതും ഇതു വഴിയാണ്. കോട്ടമുറിക്കവലയില് നിന്നും നൂറുകണക്കിന് ആളുകളാണ് ഈ റോഡിനെ ആശ്രയിക്കുന്നത്. നിയോജകമണ്ഡലം വൈസ്പ്രസിഡന്റ് സുനില്കുമാര് കീരനാട്ട് അദ്ധ്യക്ഷത വഹിച്ച യോഗത്തില് ജില്ലാ സെക്രട്ടറി കെ.പി.ഭുവനേശ്, നിയോജകമണ്ഡലം പ്രസിഡന്റ് പി.എസ്.ഹരിപ്രസാദ്, ബിജെപി നേതാക്കളായ ശശാങ്കന് മണര്കാട്, സുകു ചേര്പ്പില്, മുരളീധരന് കൈലാസം, രഞ്ചിത്ത് പറമ്പുകര, കണ്ണന് പാലത്തിങ്കല്,പഞ്ചായത്തംഗങ്ങളായ സിന്ധു അനില്കുമാര്, എന്.എസ് പ്രകാശ് എന്നിവര് സംസാരിച്ചു.
ബിജെപി റോഡ് ഉപരോധിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.