മുട്ടം: തൊടുപുഴ-മൂലമറ്റം റോഡില് മുട്ടം വരെ റോഡ് നിറയെ കുഴികള്. കുഴികള് രൂപപ്പെട്ടിട്ടും അധികൃതര് തിരിഞ്ഞു നോക്കുന്നില്ല. തൊടുപുഴ പുളിയന് മല സംസ്ഥാന പാതയുടെ ഭാഗമായ തന്ത്ര പ്രധാന റോഡിലാണ് ഗതാഗതം ആയാസകരമാക്കി കുഴികള് നിറഞ്ഞത്. അറക്കുളം അശോക കവലയില് നിന്നും മുട്ടം വരെയുള്ള റോഡ് ആധുനിക രീതിയില് റീ ടാര് ചെയ്തിരുന്നു. മുട്ടത്ത് നിന്നും തൊടുപുഴ വരെ റീ ടാറിങ് നടന്നില്ല. ഈ ഭാഗമാണ് മഴ ശക്തമായതോടെ നിറയെ കുഴികളായത്. മഴക്കാലം ആരംഭിച്ചപ്പോള് ചെറിയ കുഴികള് ഉണ്ടായിരുന്നത് ഇപ്പോള് വലിയ ഗര്ത്തങ്ങളായി. മൂന്നാം മൈലിലെ കുപ്പിവെള്ള ഫാക്ടറിക്കു സമീപമുള്ള വളവില് വലിയ കിടങ്ങാണ് റോഡില് രൂപപ്പെട്ടിരിക്കുന്നത്. പെരുമറ്റം ഇറക്കത്തിലും വലിയ കുഴികള് കെണിയൊരുക്കി വാഹനങ്ങളെ കാത്ത് കിടപ്പുണ്ട്. ഒരു മാസത്തിനുള്ളില് റോഡുകളിലെ കുഴികള് അടയ്ക്കും എന്ന പുതിയ പൊതുമരാമത്ത് വകുപ്പ് മന്ത്രിയുടെ വാക്ക് പാഴ് വാക്കായി. ഗതാഗതം ദുഷ്കരമാക്കി റോഡില് നിറഞ്ഞിരിക്കുന്ന കുഴികള് നികത്തുവാനുള്ള നടപടികള് സ്വീകരിക്കണമെന്ന് നാട്ടുകാര് ആവശ്യപ്പെട്ടു.
കുഴികളുടെ കൂട്ടായ്മയായി മൂലമറ്റം റോഡ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.