കോഴിക്കോട്: ബ്ലോക്ക്/മുനിസിപ്പാലിറ്റി/ കോര്പ്പറേഷനുകളിലെ പട്ടികജാതിവികസന ഓഫീസുകളില് പട്ടികജാതി പ്രൊമോട്ടര്മാരെ നിയമിക്കുന്നു. ഗ്രാമപഞ്ചായത്തുകളില് ഒന്നും മുനിസിപ്പാലിറ്റികളില് മൂന്നും കോര്പ്പറേഷനുകളില് അഞ്ചും വീതം പ്രൊമോട്ടര്മാരെയാണ് നിയമിക്കുന്നത്. അപേക്ഷകര് 18 -40 പ്രായമുളളവരും പ്ലസ്ടു പാസ്സായവരുമായിരിക്കണം. ഓരോ ജില്ലയിലേയും പ്രൊമോട്ടര്മാരില് നിന്നും 10 ശതമാനം പേരെ പട്ടികജാതിമേഖലയില് പ്രവര്ത്തിക്കുന്ന സാമൂഹ്യപ്രവര്ത്തകരില് നിന്ന് നിയമിക്കും. എസ്.എസ്.എല്.സിയാണ് ഇവരുടെ വിദ്യാഭ്യാസ യോഗ്യത. പ്രായപരിധി 50 വയസ്സ്. മൂന്ന് വര്ഷത്തില് കുറയാതെ സമൂഹ്യ പ്രവര്ത്തനം നടത്തുന്നവരാണെന്ന റവന്യൂ അധികാരികളുടെ സാക്ഷ്യപത്രവും, വിദ്യാഭ്യാസയോഗ്യത, വയസ്സ് എന്നിവ തെളിയിക്കുന്ന സര്ട്ടിഫിക്കറ്റ്/ടി.സി യുടെ പകര്പ്പ് എന്നിവ അപേക്ഷയോടൊപ്പം സമര്പ്പിക്കണം.
താല്പര്യമുളളവര് നിശ്ചിത മാത്യകയിലുളള അപേക്ഷ ജാതി, വയസ്സ്, വിദ്യാഭ്യാസയോഗ്യത, സ്ഥിരമായിതാമസിക്കുന്ന പഞ്ചായത്ത്, മുന്സിപ്പാലിറ്റി, കോര്പ്പറേഷന് എന്നിവ തെളിയിക്കുന്ന സാക്ഷ്യപ്പെടുത്തിയ സര്ട്ടിഫിക്കറ്റുകള് സഹിതം ജൂലൈ 30ന് മുമ്പായി ബന്ധപ്പെട്ട ജില്ലാപട്ടികജാതി വികസന ഓഫീസര്ക്ക് സമര്പ്പിക്കണം. പ്രൊമോട്ടര്മാരായി തെരഞ്ഞെടുക്കപ്പെടുന്നവര്ക്ക് പ്രതിമാസം 7000 രൂപയും, പ്രീ-മെട്രിക് ഹോസ്റ്റല് പ്രൊമോട്ടര്മാര്ക്ക് 7500 രൂപയുമാണ് ഓണറേറിയം.പരമാവധി ഒരു വര്ഷത്തേക്കാണ് നിയമനം. അപേക്ഷയുടെ മാതൃകയും മറ്റ് വിശദ വിവരങ്ങളും ജില്ലാ പട്ടികജാതി വികസന ഓഫീസ് മുനിസിപ്പാലിറ്റി, കോര്പ്പറേഷന്, പട്ടിതജാതി വികസന ഓഫീസ് എന്നിവിടങ്ങളില് ലഭിക്കും.
